অসম চাহ জনজাতি চাহ জনজাতি যুৱ ছাত্ৰ পৰিষদৰ বৰুৱা চাহ বাগিচা প্ৰাথমিক গোট গঠন ।
অসম চাহ জনজাতি যুৱ ছাত্ৰ পৰিষদৰ শিৱসাগৰ জিলা সমিতিৰ অন্তৰ্গত বৰুৱা চাহ বাগিচা প্ৰাথমিক গোট গঠন কৰা হৈছে। বৰুৱা চাহ বাগিচাৰ শ্ৰমিক বিনোদন কেন্দ্ৰত অসম চাহ জনজাতি যুৱ ছাত্ৰ পৰিষদ শিৱসাগৰ জিলা সমিতিৰ সভাপতি চুৰেশ তাঁতিৰ সভাপতিত্বত অনুষ্ঠিত ৰাজহুৱা সভাত চুৰেণ ৰাজোৱাৰক সভাপতি আৰু উজ্বল গঞ্জুক সম্পাদক হিচাপে লৈ ২১ জনীয়া গোট গঠন কৰা হয়।
শিক্ষাৰ ক্ষেত্ৰত অনগ্ৰসৰ চাহ বাগিচা অঞ্চলৰ ছাত্ৰ-ছাত্ৰীৰ শৈক্ষিক দিশ উন্নতিসাধন কৰাৰ বাবে সমিতিৰ প্ৰথম আৰু প্ৰাথমিক লক্ষ্য হিচাপে নৱগঠিত সমিতিয়ে ইতিমধ্যে কাৰ্যপন্থা নিৰ্দ্ধাৰণ কৰিছে বুলি সংবাদ মাধ্যমক জানিবলৈ দিয়ে।