আৱাহন থিয়েটাৰৰ ৪৪ তম্ নাট্যবৰ্ষৰ আখৰাৰ শুভাৰম্ভ।
বিগত সময়চোৱাত নানা ধৰণৰ ঘাট-প্ৰতিঘাটৰ মাজেৰে ৪৪ টাকৈ বৰ্ষ অতিক্ৰম কৰি দৰ্শকৰ মন আকৰ্ষণ কৰিবলৈ সক্ষম হোৱা অসমৰ ভ্ৰাম্যমাণ জগতৰ অন্যতম আগশাৰী নাট্য দল আৱাহন থিয়েটাৰৰ আজি বাইহাটা চাৰিআলিৰ মান্দাকাটা স্থিত আখৰা শিৱিৰত ২০২৩-২৪ নাট্য বৰ্ষৰ আখৰা শুভাৰম্ভ সম্পন্ন কৰা হয়।
জনপ্ৰিয় অভিনেত্ৰী তথা আৱাহন থিয়েটাৰৰ প্ৰয়োজিকা প্ৰস্তুতি পৰাশৰে আঁতধৰা উক্ত শুভাৰম্ভ অনুষ্ঠানত কমলপুৰ সমষ্টিৰ বিধায়ক দিগন্ত কলিতাই ফিটা কাটি আৰু আৱাহন থিয়েটাৰৰ প্ৰতিস্থাপক প্ৰয়োজক কৃষ্ণ ৰয়ে সহযোগ কৰে বিধায়ক গৰাকীক।
আনহাতে ভ্ৰাম্যমাণ জগতৰ আগশাৰী নাট্য দলটিৰ ২০২৩-২৪ বৰ্ষৰ বাবে নাট্যকাৰ অভিজিৎ ভট্টাচাৰ্যৰ তিনিখনকৈ নাটক ক্ৰমে মোৰ তেজ মোৰ মৰম, সতী বেউলা আৰু অৰ্ধাংগিনী মঞ্চস্থ কৰিব বুলি প্ৰযোজিকা তথা জনপ্ৰিয় অভিনেত্ৰী প্ৰস্তুতি পৰাশৰে সংবাদ মাধ্যমক জানিব দিয়ে।