ৰঙিয়া ষ্টেচনত সোমবাৰে শিলচৰ-গুৱাহাটী এক্সপ্ৰেছ ৰেল গাড়ীৰ ফ্লেগ অফ কাৰ্যসূচী অনুষ্ঠিত হয়।
ৰঙিয়াঃ ৰঙিয়া ষ্টেচনত সোমবাৰে ভাটিবেলা শিলচৰ-গুৱাহাটী এক্সপ্ৰেছ ৰেল গাড়ীৰ ফ্লেগ অফ কাৰ্যসূচী অনুষ্ঠিত কৰা হয়। তদুপলক্ষে আয়োজিত অনুষ্ঠানত অংশগ্ৰহণ কৰে ৰাজ্যসভাৰ সাংসদ ভুৱনেশ্বৰ কলিতা, স্থানীয় বিধায়ক ভবেশ কলিতা আৰু মহকুমাধিপতি দিপন বৰ্মণ ।
ভাষণ প্ৰসঙ্গত নৱ সংযোজন ঘটা ৰেলগাড়ীখনে ৰঙিয়া বাসীৰ দীৰ্ঘদিনীয়া সমস্যা এটি দূৰ কৰাত সক্ষম হোৱা বুলিও মত পোষণ কৰে বিধায়ক ভবেশ কলিতাই ।
উল্লেখযোগ্য যে ১৫৬১১/১৫৬১২ নম্বৰ শিলচৰ-গুৱাহাটী এক্সপ্ৰেছ ৰেলগাড়ীখনৰ যাত্রাপথৰ সম্প্ৰসাৰণ কৰা হৈছে ৰঙিয়ালৈ । নতুন যাত্ৰা পথত চলিব লগীয়া ৰেলখনৰ সোমবাৰে ৰঙিয়া ষ্টেচনত ফ্লেগ অফ কৰা হয় ।