ৰঙিয়াঃ ৰঙিয়া নগৰৰ ৰেল ষ্টেচনৰ সমীপত এটা চোৰক ৰাইজে কৰায়ত্ত কৰি উত্তম মাধ্যম দিয়ে। ধৃত চোৰজন নলবাৰী জিলাৰ মুকালমুৱাৰ মইদুল ইছলাম।
মঙ্গলবাৰে মাজনিশা এটা পৰিয়ালত প্ৰবেশ কৰি এটা মনিটৰ, মোবাইল চাৰ্জাৰ, বেগ, বহী, অলপ কাপোৰ লৈ পলায়নৰ চেষ্টা কৰে । কিন্তু সেই মুহুৰ্ততে ঘৰৰ গৰাকীয়ে গম পাই খেদি যায় যদিও চোৰজনে মেটেকাৰ পুখুৰীত জপিয়াই দিয়ে ।
অৱশেষত ৰাতিপুৱা কেইজনমান যুৱকে চোৰজনক মেটেকাৰ মাজৰ পৰা উঠাই লৈ আহে । পিছত একাংশ লোকে উত্তম মাধ্যম শোধাই আৰক্ষীক গতাই দিয়ে চোৰজনক ।