ৰঙিয়া নগৰৰ বনগাঁওৰ বৰলীয়া নৈৰ ৰেল দলঙৰ সমীপত উদ্ধাৰ হৈছে এটা পুৰুষৰ মৃতদেহ । প্ৰাতঃভ্ৰমণলৈ অহা স্থানীয় লোকে প্ৰত্যক্ষ কৰে অচিনাক্ত লোকজনৰ মৃতদেহ ।
বৰলীয়া নৈত তলমূৰকৈ পৰি আছিল পুৰুষজনৰ মৃতদেহ । স্থানীয় লোকে লগে লগে খবৰ দিয়ে ৰঙিয়া আৰক্ষীক । আৰক্ষী ঘটনাস্থলীত উপস্থিত হৈ স্থানীয় লোকৰ সহায়ত মৃতদেহটো পানীৰ পৰা উঠাই আনে ।
একাংশ স্থানীয় লোকে সন্দেহ কৰে যে মৃতদেহটো বৰলীয়া নৈত উটি আহিছে । আনহাতে মৃতদহটোৰ অৱস্থা চাই দুদিনমান পূৰ্বে লোকজনৰ মৃত্যু হোৱাৰ সন্দেহ কৰিছে । আৰক্ষীয়ে মৃতদেহ মৃতদেহ টো চমজি লৈ মৰোণোত্বৰ পৰীক্ষাৰ ব্যৱস্থা কৰিছে ।