ৰঙিয়াঃ বিশ্ব হিন্দু পৰিষদৰ প্ৰতিষ্ঠা দিৱসৰ লগত সংগতি ৰাখি বুধবাৰে ৰঙিয়াত সংগঠনটোৰ উত্তৰ কামৰূপ জিলাৰ উদ্যোগত ভগৱান শ্ৰী কৃষ্ণৰ জন্মষ্টমী মহোৎসৱ পালন কৰা হয় ।
এই উপলক্ষে ৰঙিয়া প্ৰগতি সংঘৰ চৌহদত অনুষ্ঠিত হয় বিভিন্ন কাৰ্য্যসূচী । ধৰ্ম ধ্বজা উত্তোলন, গো-মাতা পুজনৰ পিচতে আৰম্ভ হোৱা ধৰ্মালোচনী সভাত মুখ্য বক্তা হিচাপে উপস্থিত থাকে ৰাষ্ট্ৰীয় স্বয়ংসেৱক সংঘৰ অসমৰ ক্ষেত্ৰীয় প্ৰচাৰ প্ৰমুখ ডঃ সুনীল মাহান্তি ।
ইয়াৰ পিচতে দিনৰ ১২.৩০ বজাত আৰম্ভ হয় বিশাল সাংস্কৃতিক শোভাযাত্ৰা । ৰঙিয়া সমষ্টিৰ বিধায়ক তথা অসম ৰাজ্যিক বিজেপিৰ সভাপতি ভৱেশ কলিতাই উদ্বোধন কৰা সাংস্কৃতিক শোভাযাত্ৰা ৰঙিয়া চহৰৰ মুল – মুল পথ সমুহৰে পদযাত্ৰা কৰি পুণৰ প্ৰগতি সংঘৰ চৌহদত সামৰণি পৰে ।