ৰঙিয়াত নিশা বিদ্যালয়ত চুৰিকাণ্ড, মধ্যাহ্ন ভোজনৰ সামগ্ৰী নিলে চোৰে ।
ৰঙিয়াঃ ৰঙিয়াৰ কছাৰী শলমাৰিত নিশা বিদ্যালয়ত চুৰি কাণ্ড । ৪০ নং গোঁসাই শলমাৰি প্ৰাথমিক বিদ্যালয়ত সংঘটিত হয় এই চুৰিৰ ঘটনা । নিশা চোৰে বিদ্যালয়ৰ ৰান্ধনী ঘৰৰ তলা ভাঙি, ৰান্ধনী ঘৰৰ পৰা প্ৰায় ১০০ খন কাঁহী, ভাত বনোৱা টৌ, কেৰাহী আদিকে ধৰি কেবাবিধ সামগ্ৰী চুৰি কৰি নিয়ে ।
সামগ্ৰী খিনিৰ মূল্য প্ৰায় ১৫ হাজাৰৰ অধিক হব বুলি জানিব পৰা গৈছে। বিদ্যালয়ৰ পকী বেৰ পাৰ হৈ আহি তলা ভাঙি চোৰে সংঘটিত কৰে এই ঘটনা । ভাত বনোৱা সামগ্ৰী নিয়াৰ বাবে আজি লঘোণে থাকিব লগা হয় বিদ্যালয় খনৰ কণ কণ শিশু সকল ।
বিদ্যালয় খনৰ প্ৰধান শিক্ষকে জানিব দিয়া মতে চোৰে চোৰ কৰাৰ উপৰিও বিদ্যালয় চৌহদৰ দুই ঠাইত মলত্যাগ কৰি থৈ যায় । আগতেও এই বিদ্যালয় খনত কেবাবাৰ পানীৰ মটৰ, দমকল, ফেন চুৰি হৈছিল যদিও আৰক্ষীয়ে কৰায়ত্ত কৰিব পৰা নাছিল কাকো ।