ৰঙিয়াঃ ৰঙিয়া নগৰৰ ভট্টপাৰাত গভাইত চোৰক ধৰি ৰাইজৰ উত্তম মধ্যম । বিদ্যুতৰ খুঁটাত বান্ধি ৰাজহুৱা শাস্তি প্ৰদান গভাইত চোৰক ।
ঘটনাৰ বিৱৰণী অনুসৰি সোমবাৰে নিশা ৰঙিয়াৰ ভট্টপাৰাৰ নিবাসী কুমুদ কলিতাৰ ঘৰত চোৰে চলালে অভিযান । ঘৰৰ মূল্যবান সামগ্ৰী, ম’বাইল লৈ পলায়নৰ চেষ্টা চলাওঁতে ঘৰৰ গৰাকীয়ে উমান পালে চোৰৰ ।
ঘৰৰ গৰাকীয়ে চোৰটোক কৰায়ত্ব কৰিবলৈ চেষ্টা চলাওঁতেই লাগিল কেনা । ঘৰৰ অট্টালিকাৰ পৰা জপিয়াই পলাবলৈ চেষ্টা কৰোতেই ৰাইজৰ হাতত কৰায়ত্ব হয় চোৰটো । ঘটনাৰ উমান পাই দলেবলে ৰাইজ ওলাই আহি উত্তম-মধ্যম সোধাই প’ষ্টত বান্ধি আৰক্ষীক খবৰ দিয়ে । ৰাইজৰ ৰোষত পৰা অৱশেষত আৰক্ষীয়ে উদ্ধাৰ কৰে চোৰটোক ।
পিছত আৰক্ষীয়ে ধৃত চোৰটোক আটক কৰি ৰঙিয়া থানালৈ লৈ যায়।