Entertainment Desk: ‘ৰাঘৱ’- এইবাৰ এক ব্যতিক্ৰমী চৰিত্ৰত ৰূপালী পৰ্দাত জিলিকিব জনপ্রিয় অভিনেতা যতীন বৰা৷ ইতিমধ্যে এই নামেৰে নিৰ্মাণ হৈ উঠা অসমীয়া চলচ্চিত্ৰখনে মুক্তি ক্তিৰ ক্ষণ গণিছে। আৰু কেইদিনমান পিচত অৰ্থাৎ অহা ২৭ অক্টোবৰত ৰাজ্যখনৰ ছবিগৃহসমূহৰ লগতে দেশৰ কেইবাখনো মহানগৰত এই চিনেমাখনে মুক্তিলাভ কৰিব। মুক্তিৰ পূৰ্বেই চৰ্চা লাভ কৰা এই চিনেমাখনত যতীন বৰাক এইবাৰ দৰ্শক ৰাইজে অন্য ৰূপত প্রত্যক্ষ কৰিব।
বিশাল হৃদয়ৰ মমতাময়ীৰ অকণমান মৰম বিচাৰি আগবঢ়া বৰাঘৱ’-এ জীৱনৰ বাটত কিদৰে আগবাঢ়িছিল তাক দৰ্শকে চিনেমাখনত প্ৰত্যক্ষ কৰিব। পাৰিবাৰিক এক কাহিনীৰে আগবঢ়া একচন, ৰোমাঞ্চ, গীত-নৃত্যৰে ভৰপূৰ এই চিনেমাখনৰ কাহিনী, চিত্ৰনাট্য আৰু সংলাপ জনপ্ৰিয় নাট্যকাৰ অভিজিৎ ভট্টাচাৰ্যৰ। যতীন বৰাই এই চিনেমাখনত মূল চৰিব্রত অভিনয় কৰাৰ সমাম্তৰালকৈ পৰিচালনাও কৰিছে।
জে বি প্ৰডাকচনৰ বেনাৰত নিৰ্মিত চিনেমাখনত আন আন চৰিত্ৰত যশস্বী অভিনেত্ৰী মৃদুলা বৰৱা, নিশিতা গোস্বামী, জীৱিতেশ মজুমদাৰ, হিৰণ্য ডেকা, বিভূতি ভূষণ হাজৰিকা, চিন্ময় কঢকী, চুমী বৰুৱাকে আদি কৰি আন কেইবাগৰাকীও নবীন-প্ৰবীণ অভিনেতা-অভিনেত্ৰীয়ে অভিনয় কৰিছে। চিনেমাখনৰ প্রযোজনা নৱনীতা শৰ্মা বৰা আৰু যতীন বৰাৰ। সংগীত- যুৱ প্রজন্মৰ হাৰ্টথ্ৰব জুবিন গাৰ্গৰ। সম্পাদনা প্রতিম খাউণ্ডৰ। জুবিন গাৰ্গ, দিগন্ত ভাৰতী, ৰাহুল গৌতম শৰ্মাই চিনেমাখনৰ বাবে লিখা গীতত কণ্ঠ নিগৰাইছে জুবিন গাৰ্গ, শাণ্তা উজীৰ, মহালক্ষ্মী আয়াৰ, জুব্লী৷ আৰু প্রবীণ বৰাই।
উল্লেখ্য যে এই চিনেমাখনত অভিনয় কৰা নৱপ্রজন্মৰ অভিনেতা জীৱিতেশ মজুমদাৰে বলিউডৰ শ্বাহেনশ্বাহ খ্যাত অমিতাভ বচ্চন অভিনাত চিনেমা ‘পিংক’ত সহকাৰী পৰিচালক হিচাপে কাম কৰি সুনাম কঢ়িয়াইছে।