হাজোৰ দিপলাংৰ নৱনিৰ্মিত শিৱ মন্দিৰ উদ্বোধন, শিৱপুজা আৰু সম্বৰ্ধনা জ্ঞাপন অনুষ্ঠান।
বাহাৰঘাটঃ কামৰূপ জিলাৰ হাজো সমষ্টিৰ ৰঙিয়া মহকুমাৰ অন্তৰ্গত দিপলাং সৰু চুবুৰীৰ নৱনিৰ্মিত শিৱ মন্দিৰ শুভ উদ্বোধন আৰু শিৱ পুজাৰ লগতে সম্বৰ্ধনা অনুষ্ঠান অনুষ্ঠিত কৰা হয়।
ৰাতিপুৱা শিৱ মন্দিৰৰ দ্বাৰ উন্মোচন, ধৰ্মধ্বজা উত্তোলন, বৃক্ষৰোপণ শিৱ পূজা আৰম্ভ আৰু আয়তীসকল নাম প্ৰসংগৰ লগতে শিৱ পূজা আৰু দিপলাং গাঁওৰ বাসুদেৱ নামঘৰ নিৰ্মাণত সাহায্য প্ৰদান কৰা মহান দাতাসকলক বিশেষ ভাৱে সম্বৰ্ধনা জ্ঞাপন কৰা হয়।
উল্লেখযোগ্য যে আজিৰ এই সম্বৰ্ধনা অনুষ্ঠানত প্ৰায় ৭০ গৰাকী মহান দাতাক সম্বৰ্ধনা জনোৱা হয়। দুপৰীয়া প্ৰীতি ভোজনৰ পিছত সন্ধিয়া বন্তি প্ৰজ্বলন, টোপধ্বনী প্ৰজ্বলন আদিৰ লগতে নাগাৰ নামৰ পাঠক বসন্ত বায়ন আৰু পাৰ্থপ্ৰতীম দাসে নাগাৰা নাম পৰিবেশন কৰিব বুলি পৰিচালনা সমিতিৰ লগতে সম্পাদক হিমাংশু কলিতাই জানিবলৈ দিয়ে।