হাঁহচৰাত ভয়ংকৰ পথ দুৰ্ঘটনা: চিকিৎসালয়ত মৃত্যু চাইকেল আৰোহী।
জাঁজী হাঁহচৰা চাৰিআলিত কালি সন্ধ্যা সংঘটিত এক পথ দুৰ্ঘটনাত এজন চাইকেল আৰোহী গুৰুতৰভাবে আহত হয়। প্ৰাপ্ত তথ্য আনুসৰি যোৰহাট অভিমুখী ৰন্ধন গেছৰ চিলিণ্ডাৰ কঢ়িয়াই অনা এ এছ ২৩ চিচি ১৮৮৩ নম্বৰৰ ট্ৰাক খনে বিপৰীত দিশৰ পৰা অহা চাইকেল আৰোহী প্ৰফুল্ল চাংমাই নামৰ ৫২ বছৰীয়া লোকজনক মহতিয়াই নিয়ে। আহত লোকজনক ততাতৈয়াকৈ টীয়ক এফ আৰ ইউ’ত ভৰ্তি কৰা হয় যদিও অৱস্থা সংকটজনক হোৱাত উন্নত চিকিৎসাৰ বাবে যোৰহাট চিকিৎসা মহাবিদ্যালয়লৈ নিয়া হয় । কিন্ত নিশালৈ উক্ত ব্যক্তিজনৰ চিকিৎসালয়তে মৃত্যু হয়।