সৰ্থেবাৰীঃ বৰপেটা জিলাৰ সৰ্থেবাৰী থানাৰ অন্তৰ্গত ব্যাসকুছিট আজি পুৱতি নিশা চুৰি কাণ্ড সংঘটিত হয়।
ব্যাসকুছিৰ পশ্চিম হাতী চুবাৰ খুকছেদ আলী ওৰফে প্ৰদীপ আৰু কামাল আলীৰ ঘৰৰ পৰা নিলে চাৰিটা কৈ গৰু। দিন হাজিৰা কৰি এটকা দুটকা কৈ ধন জমা কৰি প্ৰদিপে কিনিছিল চাহিয়ালৰ দমৰা গৰুৰ পোৱালি দুটা আৰু গাই এটা। তাকো আজি চোৰ কৰি লৈ যায়। গৰু কেইটা চুৰি হোৱাত পৰিয়াল টো শোকত ভাগি পৰিছে।
আনহাতে ইমান ডাঙৰ গাঁও খনত আজিলৈকে গাওঁৰক্ষী বাহিনী নাই বুলি কোৱাত স্তম্ভিত হৈ পৰিছে ৰাইজ । সচেতন ৰাইজে প্ৰশাসনৰ লগত গাঁওৰক্ষী বাহিনীৰ ব্যবস্থা কৰি দিয়াৰ কাৰণে যোগা যোগ কৰি থকা বুলি প্ৰকাশ কৰে আৰু গৰু চুৰি চক্ৰ টো অতি সোনকালেই কৰায়ত্ত কৰিবলৈ আহ্বান জনাই।