স্বাধীনতা দিৱস উপলক্ষে বৰভাগ কালাগ উচ্চতৰ মাধ্যমিক বিদ্যালয় খেলপথাৰত আকৰ্ষনীয় ফুটবল খেল৷
বাহাৰঘাট: শ্বহীদ মুকুন্দ কাকতি স্মৃতি ৰক্ষা সমিতি আৰু বৰভাগ যুৱ সমাজৰ উদ্যোগত গুৱাহাটী মহাৰানা ফুটবল ক্লাৱ আৰু হৰিচিঙা ফুটবল ক্লাবৰ মাজত অনুষ্ঠিত হৈছিল আমন্ত্ৰণ মূলক ফুটবল খেল৷
আজি ৭৭তম স্বাধীনতা দিৱস উপলক্ষে শ্বহীদ মুকুন্দ কাকতি স্মৃতি ৰক্ষা সমিতি আৰু বৰভাগ যুৱ সমাজৰ উদ্যোগত আবেলি এখন আমন্ত্ৰণ মূলক ফুটবল খেল অনুষ্ঠিত কৰে৷ গুৱাহাটী মহাৰানা ফুটবল ক্লাৱ আৰু হৰিচিঙা ফুটবল ক্লাৱৰ মাজত অনুষ্ঠিত হোৱা উক্ত খেল উপভোগ কৰিবলৈ অজস্ৰ দৰ্শকে ভিৰ কৰা দেখা যায়৷ অতিপাত উত্তেজনা ময় খেলখনত মহাৰানাই হৰিচিঙাক ৩-১ গ’লত পৰাস্ত কৰি বিজয়ীৰ সন্মান অৰ্জন কৰে৷ খেলখন উদ্বোধন কৰে বিশিষ্ট ক্ৰীড়া সংগঠক তথা অভিৰুচিৰ অধ্যক্ষ বলেন্দ্ৰমোহন চক্ৰৱৰ্তীয়ে৷ খেল উদ্বোধনী অনুষ্ঠানত জি এম ডি এৰ অধ্যক্ষ তথা বৰক্ষেত্ৰীৰ প্ৰাক্তন বিধায়ক নাৰায়ণ ডেকা আৰু বৰক্ষেত্ৰী সমষ্টিৰ বিধায়ক দিগন্ত বৰ্মন সহ বহুকেইজন বিশিষ্ট লোক৷দিনজোৰা কাৰ্য্যসূচীৰে উদযাপন কৰা স্বাধীনতা দিৱস পূৱা ৰাষ্ট্ৰীয় পতাকা উত্তোলনৰে আৰম্ভ কৰিছিল৷