বাহাৰঘাটঃ সানেকুছিত নলবাৰী জিলাৰ 108 এম্বুলেন্সৰ কৰ্মচাৰী বৃন্দৰ বিশ্বকৰ্মা পূজা উদযাপন৷
নলবাৰী জিলাৰ ঘগ্ৰাপাৰ প্ৰাথমিক স্বাস্থ্য কেন্দ্ৰৰ অন্তৰ্গত সানেকুছি ৰাজ্যিক চিকিৎসালয় প্ৰাংগনত নলবাৰী জিলাৰ সকলো 108 এম্বুলেন্সৰ ড্ৰাইভাৰ কৰ্মচাৰীয়ে ঐক্যবদ্ধ ভাবে বিশ্বকৰ্মা পূজা উদযাপন কৰে৷ তদুপলক্ষে আজি পূৱাৰে পৰা চিকিৎসালয় চৌহদত অসংখ্য ৰাইজৰ সমাবেশৰে উৎসৱমুখৰ পৰিবেশৰ সৃষ্টি হয়৷
পুৰোহিতৰ মন্ত্ৰোচ্চাৰণ, ধুপধুনা, বন্তিৰ সুগন্ধত আধ্যাত্মিকতাৰ পৰিবেশে বিৰাজ কৰে পূজাস্থলী৷ জিলাখনৰ প্ৰায় ২৪ খন 108 ৰ কৰ্মচাৰীৰ লগতে পশুপালন বিভাগৰ মোবাইল চিকিৎসা ইউনিট আৰু সানেকুছি ৰাজ্যিক চিকিৎসালয়ৰ চিকিৎসক কৰ্মচাৰীৰ লগতে চিকিৎসালয়ৰ অন্তৰ্গত সকলো উপস্বাস্থ্যকেন্দ্ৰৰ কৰ্মচাৰীয়ে সহযোগ কৰে৷