সমাজকৰ্মী টুপীধৰ দিহিঙীয়াৰ স্মৃতিচাৰণ সভা
শিৱসাগৰঃ চেৰেকাপাৰ শাখা সাহিত্য সভাৰ সদ্যপ্ৰয়াত প্ৰাক্তন সভাপতি তথা সমাজকৰ্মী টুপীধৰ দিহিঙীয়াৰ আদ্যশ্ৰাদ্ধৰ সৈতে সংগতি ৰাখি আজি এখনি স্মৃতিচাৰণ সভা অনুষ্ঠিত হৈ যায়।
শাখাটিৰ প্ৰাক্তন সভাপতি আব্দুল মতলিবৰ সভাপতিত্বত হোৱা সভাত “কৃতাঞ্জলি” শীৰ্ষক স্মৰণিকাখনি উন্মোচন কৰে সমাজকৰ্মী ডাঃ উপেন্দ্ৰ নাথ গগৈয়ে। সভাত স্থানীয় আতন বুঢ়াগোহাঁই প্ৰেক্ষাগৃহৰ প্ৰতিষ্ঠাপক সম্পাদক প্ৰয়াত টুপীধৰ দিহিঙীয়াই সমাজৰ বিভিন্ন ক্ষেত্ৰলৈ আগবঢ়াই যোৱা অৱদানক সুঁৱৰি বক্তব্য আগবঢ়ায় শিৱসাগৰ জিলা সাহিত্য সভাৰ সম্পাদক সন্তোষ দত্ত, শাখাৰ সভাপতি পূৰ্ণেশ্বৰ চেতিয়া, সম্পাদক সমুদ্ৰ বুঢ়াগোহাঁই, প্ৰাক্তন সম্পাদক টুটুমণি গগৈৰ লগতে বিপুল কোঁৱৰ, তৰুণ বৰগোহাঁই, মীৰা বৰুৱা চেতিয়া আৰু বিজয়া বৰুৱাই।