শিৱসাগৰঃ শিৱসাগৰ আমগুৰিৰ এক নং চিন্তামণি গড়ত ৭০ টাকৈ পৰিয়ালে যোগদান কৰিলে ৰাইজৰ দলত।
এতিয়া যেন ব্যস্ততা বাঢ়িছে শিৱসাগৰ বিধান সভা সমষ্টিৰ বিধায়ক অখিল গগৈৰ। সমষ্টি পুনঃ নিৰ্ধাৰণৰ খচৰা তালিকা প্ৰকাশ পোৱাৰ পিছতেই বিধায়ক অখিল গগৈৰ ব্যস্ততা বাঢ়িছে।
শিৱসাগৰ সমষ্টিত অন্তৰ্ভুক্ত হল নাজিৰা আৰু আমগুৰি সমষ্টিৰ অধীনস্থ বহু কেইখন গাঁও পঞ্চায়ত।এই পঞ্চায়ত সমুহত এতিয়া উপস্থিত হৈ ৰাইজৰ সৈতে মত -বিনিময়ত অংশ গ্ৰহণ কৰিছে বিধায়ক অখিল গগৈয়ে। ৰাইজেও আন্তৰিকতাৰ আদৰি লৈছে বিধায়ক অখিল গগৈক।
সোমবাৰে এক নং চিন্তামণি গড়ত ৰাইজৰ দলৰ প্ৰতি আকৃষ্ট হৈ ৭০ টাকৈ পৰিয়ালে যোগদান কৰিলে ৰাইজৰ দলত। এই যোগদান কাৰ্যসূচী অনুষ্ঠানত উপস্থিত থাকে ৰাইজৰ দলৰ বিধায়ক অখিল গগৈ।