শিৱসাগৰঃ স্বেচ্ছাসেৱী অনুষ্ঠান ‘শতশব্দ’ আৰু ‘ৰংমন’ৰ উদ্যোগত ৰংপুৰ বাৰ্তাৰ সহযোগত অলপতে হৈ যোৱা নাট্য কৰ্মশালাৰ আজি অংশগ্ৰহণ পত্ৰ বিতৰণ কৰা হয়।
শিৱসাগৰ ফুলেশ্বৰী উচ্চতৰ মাধ্যমিক বালিকা বিদ্যালয়ত অনুষ্ঠিত সভাখনিত নাট্যকৰ্মী প্ৰতাপ চাংকাকতি আৰু প্ৰণৱ শৰ্মা বিশিষ্ট অতিথি হিচাপে উপস্থিত থাকি ছাত্ৰ-ছাত্ৰীসকলক অংশগ্ৰহণ পত্ৰৰ লগতে সদৌ অসম শিশুনাট সমাৰোহত দ্বিতীয় শ্ৰেষ্ঠ অভিনেত্ৰীৰ সন্মান লাভ কৰা নাট্য কৰ্মশালাৰ প্ৰশিক্ষাৰ্থী আশিষ্ঠা প্ৰিয়ম সন্দিকৈক প্ৰমাণ পত্ৰ আৰু ট্ৰফী প্ৰদান কৰে।
প্ৰশান্ত বৰগোহাঁইয়ে আঁত ধৰা অনুষ্ঠানত অভিভাৱকৰ লগতে ছাত্ৰ-ছাত্ৰীসকলে মনৰ অনুভৱ ব্যক্ত কৰে। আনহাতে শতশব্দৰ উদ্যোগত অক্টোবৰ মাহত বিদ্যালয়খনত স্থাপন হ’বলগীয়া শতশব্দ এক্টিং স্কুলৰ ক্ষেত্ৰত উপস্থিত সকলোৰে সহযোগ কামনা কৰে সম্পাদক ৰাজদ্বীপ বৰুৱাই।