শিৱসাগৰত চাঞ্চল্যকৰ কাণ্ড সংঘটিত
বন্ধুয়ে বন্ধুৰ পৰম শত্ৰু হৈ পৰিল নেকি?
শিৱসাগৰত বন্ধুয়ে বন্ধুক পাৰ্টি খোৱাৰ নামত মাতি আনি ভৰ বাৰিষা বুকুত উফন্দি থকা দিখৌ নৈত ঠেলা মাৰি দিয়ে যাৰ কৰুণ পৰিণতিত সন্ধানহীন হৈ আছে দিখৌ দলঙৰ সমীপৰ আবিদুৰ নামৰ যুৱকজন।
পৰিয়াল বৰ্গৰ উত্থাপিত অভিযোগ অনুসৰি শিৱসাগৰ আমগুৰি ঘাটৰ অঞ্চলৰ ভাৰাতীয়া হিচাপে থকা আবিদুৰ ৰহমান নামৰ যুৱক জনক দুজনকৈ বন্ধুৱে মেট্ৰিক পৰীক্ষাৰ পাৰ্টি খাবলৈ মাতি আনি দিখৌ নদীত ঠেলা মাৰি পেলাই দিয়াৰ গুৰুতৰ অভিযোগ উত্থাপিত কৰিছে নদীত সন্ধানহীন হৈ থকা আবিদুৰ ৰহমান নামৰ যুৱক জনৰ জেষ্ঠ ভগ্নীয়ে কৃষ্ণ নামৰ যুবক জনৰ বিৰুদ্ধে ।ইতিমধ্যে ঘটনাটোৰ সন্দৰ্ভত আৰক্ষীয়ে অভিযোগ উত্থাপন হোৱা কৃষ্ণ নামৰ যুৱকজনক আটক কৰিছে যদিও সন্ধানহীন হৈ থকা আবিদুৰ ৰহমান যুৱকজনৰ কোনো সন্ধান বৰ্তমানেও উলিয়াব পৰা নাই । আনহাতে সন্ধানহীন যুৱকজনৰ সন্দৰ্ভত জিলা প্ৰশাসন আৰু SDRF বাহিনীৰ তৰফৰ পৰা অভিযান অব্যাহত ৰাখিছে ।
