শিহৰনকাৰী ঘটনা! হাতীজুৰি বাগিচাৰ এঘৰৰ মজিয়া খান্দি ২৮ ডাল চকৰী ফেঁটি সাপ উদ্ধাৰ।
আমগুৰিঃ মৰিয়নীৰ হাতীজুৰি চাহ বাগিছাৰ এটা পৰিয়াল বিগত কেইবামাহ ধৰি দুকুৰিৰো অধিক বিষাক্ত সাপৰ সৈতে সহৱস্থান কৰা ঘটনাই শিহৰিত কৰি তুলিছে সকলোকে।
বাগিছা খনৰ শংকৰ বনিয়া নামৰ লোকজনৰ বাসগৃহত এই শিহৰনকাৰী ঘটনা পোহৰলৈ আহিছে। বিগত কিছুদিন ধৰি এডাল প্ৰকাণ্ড ৰজা ফেটী সাপ বাসগৃহতোৰ আশেপাশে প্ৰায় বিচৰন কৰা প্ৰত্যক্ষ কৰিছিল পৰিয়ালটোৰ সদস্য সকলে। আনহাতে কালিৰ পৰা বাসগৃহৰ উক্ত কোঠাটোত সাপৰ কেইবাটাও পোৱালী উদ্ধাৰ হোৱাত পৰিয়ালটো অধিক আতংকিত হৈ পৰে।
আতংকিত পৰিয়ালটোৱে সৰ্প প্ৰেমি অনিল তাছাক এই সন্দৰ্ভত অৱগত কৰে। বন বিভাগৰ নিৰ্দেশত সৰ্প প্ৰেমি অনিল তাছা বাসগৃহত উপস্থিত হৈ উক্ত কোঠাটোৰ পৰা সৰু ডাঙৰ ২৮ডাল চকৰীফেটী সাপৰ পোৱালী আৰু বহু কেইটা কণী উদ্ধাৰ কৰে।
বৃহৎ সংখ্যত সাপ উদ্ধাৰ হোৱা পাছত পৰিয়ালটো আতংকিত হৈ পৰিছে ।