লখিমপুৰ: লখিমপুৰ হাৰমতীত আৰক্ষীৰ তালাচীত গাঞ্জাসহ দুজন অৰুণাচলী যুৱক আটক।
লখিমপুৰ জিলাৰ হাৰমতীত আজি প্ৰায় ছয় কেজি গাঞ্জাসহ দুই অৰুণাচলী যুৱক আটক।
আগন্তুক স্বাধীনতা দিৱসত সতৰ্কতা অৱলম্বন কৰি আৰক্ষীয়ে দৈনিক নিয়মীয়া তালাচী চলাই আহিছিল।
শুক্ৰবাৰে হাৰমতী আৰক্ষী চকীৰ ভাৰপ্ৰাপ্ত বিষয়া গৌৰৱ ভূমিজৰ নেতৃত্বত চলোৱা তালাচী অভিযানত সন্ধিয়া ৬ বজাত পাৰ্ব্বতীপুৰত ১৫ নং ৰাষ্ট্ৰীয় ঘাই পথত অৰুণাচল প্ৰদেশৰ পাপুমপাৰে জিলাৰ মিদপুৰৰ নবাম টাকুম আৰু নাবেন আবুয়ে এ আৰ AR 01 03098 নম্বৰৰ এখন স্কুটিত উক্ত গাঞ্জখিনি লৈ হাৰমতী দিশলৈ আহি আছিল।
আটকাধীন দুয়োজনকে আৰক্ষীয়ে আটক কৰি সোধপোছ অব্যাহত ৰাখিছে।