লক্ষ্ণৌ ছুপাৰ জায়েন্টছৰ বিৰুদ্ধে ৮১ ৰাণত জয়ী মুম্বাই ইণ্ডিয়ানছ; গুজৰাটত পুনৰ হ’ব ভাগ্য পৰীক্ষা
লক্ষ্ণৌ ছুপাৰ জায়েন্টছক পৰাস্ত কৰি আই পি এল ২০২৩ ৰ ফাইনেলৰ দিশে আৰু এটা খোজ আগুৱালে মুম্বাই ইণ্ডিয়ানছে । শুকুৰবাৰে আহমেদাবাদত কোৱালিফায়াৰ ১ ত চেন্নাইৰ হাতত পৰাস্ত হোৱা গুজৰাট টাইটানছৰ বিৰুদ্ধে কোৱালিফায়াৰ ২ মেচখন খেলিব মুম্বাই দলে ।
চেন্নাইত টছত জয়ী হৈ প্ৰথমে বেটিং কৰি মুম্বাই ইণ্ডিয়ানছ দলে নিৰ্ধাৰিত অভাৰত আঠটা উইকেট হেৰুৱাই ১৮২ ৰাণ সংগ্ৰহ কৰিবলৈ সক্ষম হয়। দলটোৰ হৈ তিনি নম্বৰত বেটিং কৰি কেমেৰুন গ্ৰীনে ২৩ টা বলত সৰ্বাধিক ৪১ ৰাণ সংগ্ৰহ কৰে। এই সময়ছোৱাত, তেওঁৰ বেটৰ পৰা আহে ছয়টা চাৰি আৰু এটা ছয়। গ্ৰীণৰ বাহিৰে, এমআইৰ বাবে দ্বিতীয় সৰ্বাধিক স্ক’ৰ আছিল সূৰ্যকুমাৰ যাদৱ। তেওঁ ২০ টা বলত ৩৩ ৰাণ সংগ্ৰহ কৰে।
লক্ষৰ পিছে পিছে লক্ষ্ণৌ চুপাৰ জায়ান্টছ দলটো ১০১ ৰাণেত আউট হয়। দলটোৰ হৈ মিডল অৰ্ডাৰত বেটিং কৰাৰ সময়ত মাৰ্কাছ ষ্টইনিছে কিছু সময়ৰ বাবে এমআই বলাৰৰ মুখামুখি হ’বলৈ সক্ষম হৈছিল। তেওঁ চাৰি নম্বৰত বেটিং কৰিছিল আৰু দলটোৰ হৈ ২৭ টা বলত ৪০ ৰাণ সংগ্ৰহ কৰিছিল। এই সময়ত তেওঁৰ বেটৰ পৰা আহে পাঁচটা চাৰি আৰু এটা ছয় । কিন্তু তেওঁ ৰান আউট হোৱাৰ লগে লগে লক্ষ্ণৌ ভাঙি পৰে। দীপক হুদা পুনৰ এবাৰ ব্যৰ্থ হয়।
এলএছজিৰ বাবে নবীন-উল-হক আৰু এমআইৰ বাবে আকাশ মাধৱালে সুন্দৰ বলিং কৰে । বলিঙৰ সময়ত আফগান দ্ৰুত বলাৰ নবীন-উল-হকে এলএছজিৰ হৈ সৰ্বাধিক চাৰিটা সফলতা অৰ্জন কৰাৰ লগতে বিপক্ষ দলৰ অধিনায়ক ৰোহিত শৰ্মা (১১), কেমেৰুন গ্ৰীণ (৪১), সূৰ্যকুমাৰ যাদৱ (৩৩) আৰু তিলক বাৰ্মা (২৬)ক আউট কৰে। একে সময়তে, আকাশ মাধৱাল মুম্বাইৰ বাবে আটাইতকৈ সফল বলাৰ আছিল। তেওঁ নিজৰ বাবে সৰ্বাধিক পাঁচটা উইকেট লয়। এই খেলখনত, তেওঁ 3.3 অভাৰ বলিং কৰে আৰু মাত্ৰ পাঁচ ৰান ব্যয় কৰে।
