যোৰহাটত ভৌতিক চুটি ছবি ‘ৰহস্য’,ৰ চিত্ৰগ্ৰহণ সম্পন্ন ।
যোৰহাট আৰু দেৰগাঁওৰ কেইজন মান সাংস্কৃতিক মনৰ যুবক একত্ৰিত হৈ আজিৰ পৰা ১০ বছৰ মান আগতেই জন্ম দিয়া SK Production ৰ বেনাৰত বহু কেইখন জনপ্ৰিয় ছবি, চুটি ছবি আৰু টেলিফিল্মৰ বৃহত সফলতাৰ পাছত প্ৰথম বাৰৰ বাবে নিৰ্মান কৰিবলৈ ওলাইছে ভৌতিক চুটি ছবি ‘ৰহস্য’।
জনপ্ৰিয় পৰিচালক কৰিয়গ্ৰাফাৰ ৰিকি বাৎসৱৰ কাহিনী, চিত্ৰনাট্য, পৰিচালনাত তথা সত্যব্ৰত বৰদলৈৰ প্ৰযোজনাত আহিব লগীয়া ছুটি চবিখনৰ চিত্ৰগ্ৰহণ যোৱা ৩০ জুলাইৰ পৰা যোৰহাটৰ বিভিন্ন মনোমোহা অঞ্চলত প্ৰায় ৯০ শতাংশ কাম শেষ হৈছে।
আগষ্ট মাহৰ শেষৰ ফালে ৰাইজৰ মাজলৈ আগবঢ়াই দিব লগা চুটি ছবিখনত অসমৰ বহু কেইজন ন-পুৰনি অভিনেতা অভিনেত্ৰীক দেখিবলৈ পাব বুলি প্ৰযোজকে জানিব দিয়ে।
বিশেষকৈ একালৰ ভ্ৰাম্যমান থিয়েটাৰৰ অভিনেতা বৰ্তমানৰ সংবাদকৰ্মী দেৱবিকাশ দত্তক বহু বছৰৰ মূৰত এক বিশেষ চৰিত্ৰত দেখা পাব উক্ত চুটি ছবিখনত।