চেলেংহাটৰ ৰহধলাত বিভিন্ন দল সংগঠনৰ নথি পত্ৰ বিহীন স্ক্ৰেব কঢ়িওৱা ট্ৰাক জব্দ। গাড়ীসহ তিনিজন আটক।
আমগুৰিঃ মৰিয়নিৰ চেলেংহাটত নথিপত্ৰবিহীন স্ক্ৰেব কঢ়িওৱা এখন ট্ৰাক জব্দ। গাভৰু পৰ্বত চাহ বাগিচাৰ পৰা ভঙা টিং লোহা কঢ়িয়াই অনা AS01 DD 6091 নম্বৰৰ এখন ট্ৰাক সন্দেহবশত ৰহধলা চাৰিআলিত আছু, আটাছু, আট্ছা, কৃষক মুক্তি আদি বিভিন্ন দল সংগঠনৰ সদস্যই ৰখাই সোধ পোছ কৰাত উপযুক্ত নথি-পত্ৰ দেখুওৱাত ব্যৰ্থ হয় গাড়ীত অহা লোকসকলে।
ফলত চেলেংহাট আৰক্ষীক খবৰ দিয়াত আৰক্ষীয়ে গাড়ীৰ মালিক (চালক) মুকেশ ৰাউট আৰু আন দুজনৰ সৈতে ট্ৰাকখন জব্দ কৰি চেলেংহাট আৰক্ষী চকীলৈ লৈ যায়।
ইতিমধ্যে আৰক্ষীয়ে ঘটনাৰ তদন্ত আৰম্ভ কৰিছে।গাড়ীৰ মালিক মুকেশ ৰাউটৰ ঘৰ বিহাৰত যদিও যোৰহাটত অস্থায়ী ভাৱে বসবাস কৰে বুলি জানিব পৰা গৈছে। বাকী আটক হোৱা আন দুয়োজন নগাঁও জিলাৰ হয়বৰগাঁওৰ হীৰালাল দাস আৰু ৰবীন্দ্ৰ কুমাৰ ছাহ বুলি জানিব পৰা গৈছে।