ডিজিটেল ডেস্কঃ মহানগৰীত অপৰাজনিত ঘটনা প্ৰত্যেক দিনে বৃদ্ধি পাবলৈ ধৰিছে। প্ৰায় প্ৰতি দিনেই উদ্ধাৰ হৈছে এটাৰ পাছত আন এটা মৃতদেহ। ইয়াৰ মাজতে বৃহস্পতিবাৰে পুৱা মহানগৰীত পুনৰ উদ্ধাৰ হয় এজন যুৱকৰ মৃতদেহ।
মহানগৰীৰ বৰাগাঁৱত সংঘটিত হৈছে এই চাঞ্চল্যকৰ ঘটনাটো। নিৰ্মীয়মান উৰণীয়া সেঁতুৰ ওপৰত উদ্ধাৰ হৈছে এটি মৃতদেহ। মৃতদেহটো ই-ৰিক্সা চালক দিপু নামৰ লোকজনৰ বুলি চিনাক্ত কৰিছে স্থানীয়লোকে।
উল্লেখ্য যে, মৃতদেহটোত আঘাতৰ স্পষ্ট দাগ পোৱালৈ লক্ষ্য কৰি এয়া এক হত্যাকাণ্ড বুলি সন্দেহ কৰিছে একাংশই। কোনোৱে মাৰি পেলাই থৈ যোৱাৰ সন্দেহ স্থানীয় লোকৰ।
ইতিমধ্যে ঘটনাস্থলীত উপস্থিত হৈছে গড়চুক আৰক্ষী। তদন্তৰ পাছতহে পোহৰলৈ আহিব মৃত্যুৰ প্ৰকৃত কাৰণ।