গুৱাহাটীঃ গুৱাহাটীত এটা জঘন্য ঘটনা সংঘটিত হৈছে য’ত বৃহস্পতিবাৰে এজন উবেৰ চালকে তেওঁৰ গাড়ীৰ ভিতৰত এগৰাকী যুৱতীক ধৰ্ষণ কৰাৰ অভিযোগ উত্থাপিত হৈছে।
ঘটনাটো বৃহস্পতিবাৰে গুৱাহাটীৰ খ্ৰীষ্টানবস্তি অঞ্চলত নিশা ১০.৩০ বজাত সংঘটিত হৈছিল।
সূত্ৰঅনুসৰি, মহিলাগৰাকীয়ে গণেশগুৰিৰ পৰা যাত্ৰা কৰি আছিল আৰু পিছত চালকজনে তেওঁৰ গাড়ীত পেট্ৰ’ল ভৰ্তি কৰাৰ অজুহাতত খ্ৰীষ্টানবস্তিত গাড়ীখন ৰখাইছিল।
সেই সময়ত কোনো লোক নাছিল বুলি সুযোগ লৈ চালকজনে অপৰাধটো সংঘটিত কৰিছিল বুলি অভিযোগ কৰা হৈছে।
ইফালে, ভুক্তভোগী গৰাকীয়ে ঘটনাসন্দৰ্ভত দিচপুৰ আৰক্ষী থানাত অভিযোগ দাখিল কৰে। অভিযোগ পোৱাৰ পিছত আৰক্ষীয়ে মাছলেম আলী বুলি চিনাক্ত কৰা চালকজনক গ্ৰেপ্তাৰ কৰে। পৰৱৰ্তী অনুসন্ধান চলি আছে। মাছলেম আলিৰ ঘৰ নগৰবেৰাত বুলি জানিব পৰা গৈছে। আনহাতে ভুক্তভোগী যুৱতী গৰাকীৰ ঘৰ অৰুণাচলৰ।