এতিয়াও জ্বলি আছে মণিপুৰ। ইয়াৰ মাজতে মঙলবাৰে নিশা মণিপুৰৰ উপত্যকা অঞ্চলৰ কেইবা শতাধিক মহিলাই হাতত জ্বোৰ লৈ প্ৰতিবাদ সাব্যস্ত কৰে। ৰাজ্যখনক প্ৰভাৱিত কৰা গুৰুত্বপূৰ্ণ বিষয়বোৰৰ প্ৰতি দৃষ্টি আকৰ্ষণ কৰা আৰু তাৎক্ষণিক ব্যৱস্থা গ্ৰহণৰ আহ্বান জনোৱাৰ উদ্দেশ্যৰে Coalition for Coordination Manipur Integrity (COCOMI)ৰ অধীনত এই প্ৰতিবাদ আয়োজিত কৰা হয়।
সংহতি আৰু সংকল্পৰ এক শক্তিশালী প্ৰদৰ্শনেৰে মণিপুৰৰ উপত্যকা অঞ্চলৰ মহিলাসকলে বিভিন্ন গুৰুত্বপূৰ্ণ পৰিৱৰ্তন আৰু পদক্ষেপৰ দাবীত এক ব্যাপক মানৱ শৃংখলা প্ৰতিবাদ সাব্যস্ত কৰে।
বিভিন্ন পৃষ্ঠভূমিৰ মহিলাৰ নেতৃত্বত হোৱা মানৱ শৃংখলাৰ এই প্ৰতিবাদে কৰ্তৃপক্ষলৈ এক শক্তিশালী বাৰ্তা প্ৰেৰণ কৰে। ইয়াৰ দ্বাৰা চৰকাৰক COCOMIৰ দ্বাৰা আগবঢ়োৱা দাবীসমূহৰ ওপৰত তেওঁলোকে তাৎক্ষণিক ব্যৱস্থা ল’বলৈ আহ্বান জনায়। এই প্ৰদৰ্শনৰ শান্তিপূৰ্ণ আৰু সামগ্ৰিক প্ৰকৃতিয়ে মণিপুৰৰ লোকসকলৰ ন্যায়, নিৰাপত্তা আৰু এক উন্নত ভৱিষ্যতৰ অন্বেষণত অটল মনোভাৱ প্ৰতিফলিত হৈছে।
প্ৰতিবাদকাৰীসকলৰ প্ৰাথমিক দাবীসমূহৰ ভিতৰত অসম ৰাইফলছ প্ৰত্যাহাৰ কৰা, ৰাষ্ট্ৰীয় নাগৰিক পঞ্জী (NRC) ৰূপায়ণ, অভিযান স্থগিত (SoO) চুক্তি প্ৰত্যাহাৰ কৰাৰ লগতে আঞ্চলিক অখণ্ডতাৰ সুৰক্ষা, আৰু মণিপুৰত শান্তি আৰু স্বাভাৱিকতা পুনৰুদ্ধাৰ আছিল।
এই টৰ্চ বিয়েৰিং ৰেলী নিশা ৮ বজাৰ পৰা নিশা ৯ বজালৈ কালিলৈ চলিব বুলি জানিব পৰা গৈছে। তেওঁলোকে বিশেষকৈ অসম ৰাইফলছ প্ৰত্যাহাৰ আৰু NRC ৰূপায়ণৰ দাবীত এই প্ৰতিবাদ সাব্যস্ত কৰে।