বাহাৰঘাটঃ শনিবাৰে নলবাৰী জিলাৰ বৰভাগ মহাবিদ্যালয় ছাত্ৰ একতা সভাৰ তৰ্ক বিভাগৰ উদ্যোগত আৰু আই কিউ এ চি বৰভাগ মহাবিদ্যালয় আৰু প্ৰাক্তন ছাত্ৰ সন্মিলনৰ সহযোগত সদৌ অসম ভিত্তিত কনক চন্দ্ৰ হালৈ সোঁৱৰণী প্ৰাইজমাণী মুকলি কুইজ প্ৰতিযোগিতা অনুষ্ঠিত হয়৷
মহাবিদ্যালয় প্ৰেক্ষাগৃহত অনুষ্ঠিত তৰ্ক প্ৰতিযোগিতাৰ আৰম্ভণিতে বন্তি প্ৰজ্বলন কৰে প্ৰাক্তন ছাত্ৰ সন্মিলনৰ সভাপতি ভূপেন চন্দ্ৰ তালুকদাৰে। প্ৰয়াত কনক চন্দ্ৰ হালৈৰ প্ৰতিচ্ছবিত বন্তি প্ৰজ্বলন আৰু মাল্যাৰ্পণ কৰে প্ৰয়াত হালৈৰ পত্নী প্ৰফুল্লী তালুকদাৰ হালৈয়ে৷
আদৰণি ভাষন দিয়ে অধ্যাপক অজিত শৰ্মাই, কুইজ প্ৰতিযোগিতা উদ্বোধন কৰে মহাবিদ্যালয়ৰ অৱসৰি প্ৰাক্তন ভাৰপ্ৰাপ্ত অধ্যক্ষ ফণীধৰ ডেকাই৷ কুইজ প্ৰতিযোগিতা পৰিচালনা কৰে ’পিতামহ’ স্বেচ্ছাসেৱী সংস্থাৰ সমল ব্যক্তি দেৰাজউদ্দিন আহমেদে৷
প্ৰতিযোগিতাত অসংখ্য ছাত্ৰছাত্ৰীৰ লগতে আগ্ৰহী ব্যক্তিয়ে সহযোগ কৰে৷ অধ্যাপক মুকুট বৈশ্যই আতধৰা উদ্বোধনী অনুষ্ঠানৰ পিচতে কুইজ প্ৰতিযোগিতা আৰম্ভ হয়৷ মুকলি কুইজ প্ৰতিযোগিতাৰ অন্তত অনুষ্ঠিত বটাঁবিতৰণী সভাত বিজয়ী সকলক বটাঁ সমূহ প্ৰদান কৰে৷