বাহাৰঘাত: বৰভাগ খণ্ড উন্নয়ন কাৰ্য্যালয়ত নলবাৰীৰ নৱনিযুক্ত আয়ুক্ত বৰ্নালী ডেকা৷
আজি দুপৰীয়া নলবাৰী জিলাৰ নৱনিযুক্ত আয়ুক্ত বৰ্নালী ডেকা বৰভাগ খণ্ড উন্নয়ন কাৰ্য্যালয়ত উপস্থিত হৈ উন্নয়ন খণ্ডটিৰ অন্তৰ্গত সকলো ন-পূৰণী কৰ্মচাৰীৰ লগত আলোচনাত মিলিত হয়৷
উল্লেখ্য যে বৰভাগ উন্নয়ন খণ্ডৰ খণ্ড উন্নয়ন বিষয়া অপূৰ্ব কুমাৰ চক্ৰৱৰ্তীয়ে আয়ুক্ত গৰাকীক সম্বৰ্ধনা জনোৱা সময়তে বৰভাগ উন্নয়ন খণ্ডৰ কাৰ্য্যালয়লৈ পৰ্য্যবেক্ষনৰ বাবে আমন্ত্ৰণ জনাইছিল৷ খণ্ড উন্নয়ন বিষয়া গৰাকীৰ আমন্ত্ৰণ ৰক্ষা কৰি আয়ুক্ত গৰাকী আজি দুপৰীয়া উন্নয়ন খণ্ডৰ কাৰ্য্যালয়ত উপস্থিত হয়৷
কৰ্মচাৰী সকলৰ লগত হোৱা আলোচনা কালত আয়ুক্ত গৰাকীয়ে সকলোকে সেৱাৰ মনোভাবলৈ কাম কৰাৰ আহ্বান জনাই৷ বৰভাগত উপস্থিত হোৱাৰ পূৰ্বে আয়ুক্ত গৰাকীয়ে বৰক্ষেত্ৰী উন্নয়ন খণ্ডটো উপস্থিত হৈ কৰ্মচাৰী সকলৰ লগত সৌহাৰ্দ্যপূৰ্ণ আলোচনাত মিলিত হয়৷