নলবাৰী জিলাৰ বৰভাগ অঞ্চলৰ ৰনাকুছিত অবস্থিত অন্যতম বেচৰকাৰী শিক্ষানুষ্ঠান বৰভাগ আদৰ্শ বিদ্যা নিকেতনত আজি বসন্ত উৎসৱ উদযাপন কৰে৷বিদ্যালয় চৌহদত অনুষ্ঠিত উক্ত বসন্ত উৎসৱৰ পূৱা বন্তি প্ৰজ্বলনৰে শুভ উদ্বোধন কৰে অভিভাবিকা ৰিজু লহকৰে৷অনুষ্ঠানটি আনুষ্ঠানিক ভাবে উদ্বোধন কৰে বিদ্যালয় খনৰ প্ৰধান শিক্ষয়িত্ৰী মামণি মেধিয়ে৷বিদ্যালয় পৰিচালনা সমিতিৰ সভাপতি নৃপেন চন্দ্ৰ কলিতা,সম্পাদক বিধুভূষণ চক্ৰৱৰ্তী আৰু নাট্যকাৰ অভিনেতা বিনয় কুমাৰ ডেকা উপস্থিত থকা বসন্ত উৎসৱৰ পোনতে “ কালাগ শ্যামৰায় বাৰে ৰহনীয়া বিহু দল“লে বিহু নৃত্য পৰিবেশন কৰাৰ পিচতে বিদ্যালয় খনৰ ছাত্ৰছাত্ৰী আৰু শিক্ষয়িত্ৰী সকলে বিহু নৃত্য প্ৰদৰ্শন কৰে৷
