বৰখালাত প্ৰবীন চন্দ্ৰ শইকীয়া আৰু পুষ্পলতা শইকীয়া সোঁৱৰণী প্ৰাইজমাণি ফুটবল উদ্বোধন৷
বাহাৰঘাটঃ শনিবাৰে, নলবাৰী জিলাৰ বৰভাগ ইউনাইটেড স্পোৰ্টচ্ ক্লাৱৰ উদ্যোগত বৰখালাস্থিত পশ্চিম বড়িগোগ ধীৰদত্ত উচ্চতৰ মাধ্যমিক বিদ্যালয়ৰ খেলপথাৰত ৩৫ বৰ্ষৰ প্ৰথম বাৰ্ষিক প্ৰবীন চন্দ্ৰ শইকীয়া আৰু পুষ্পলতা শইকীয়া সোঁৱৰণী চলন্ত ট্ৰফী প্ৰাইজমাণি ফুটবল প্ৰতিযোগিতাখন আজি আবেলি উদ্বোধন কৰে ৷
তদুপলক্ষে আজি আবেলি ২ বজাত ক্লাৱৰ সভাপতি ভূপেশ চন্দ্ৰ দাসে পতাকা উত্তোলন কৰাৰ পিচতে অবসৰি শিক্ষক হৰিদেৱ ভট্টাচাৰ্যই স্মৃতি তৰ্পণ কৰে৷ চাৰি বজাত বৰভাগ আঞ্চলিক ক্ৰীড়া সংঘ, কমাৰকুছি বনাম বৰভাগ ইউনাইটেড স্পোৰ্টচ্ ক্লাৱৰ মাজত অনুষ্ঠিত হব লগা প্ৰতিযোগিতাৰ প্ৰথমখন খেল উদ্বোধনী কৰে অভিৰুচি ক্ৰীড়াৰ সভাপতি বলেন্দ্ৰ মোহন চক্ৰৱৰ্তীয়ে ৷
উক্ত উদ্বোধনী অনুষ্ঠানত মুখ্য অতিথি হিচাপে উপস্থিত থাকে সাংসদ দিলীপ শইকীয়া ৷ ইয়াৰোপৰি বিশিষ্ট অতিথি হিচাপে নলবাৰী জিলা বিজেপিৰ সভাপতি মৃগাংক তালুকদাৰ, পঃ বঃ ধীৰদত্ত উচ্চতৰ মাধ্যমিক বিদ্যালয়ৰ অধ্যক্ষ নৰেন ডেকা, নলবাৰী জিলা ক্ৰীড়া সন্থাৰ সম্পাদক বুবুল তালুকদাৰ আদিকৰি কেইবাজনো বিশিষ্ট লোক উপস্থিত থাকে ৷
খেলত বৰভাগ ক্ৰীড়া সন্থাই বৰভাগ ইউনাইটেড স্পোৰ্টচ ক্লাৱক পৰাস্ত কৰি বিজয়ীৰ সন্মান অৰ্জন কৰে৷