নলবাৰী জিলাৰ বৰক্ষেত্ৰীৰ খিলঞ্জীয়া মুছলমান অধ্যুষিত বামুনবড়ী গাঁৱৰ ৰাজহুৱা সভাগৃহত শনিবাৰে বামুনবড়ী গাঁও উন্নয়ন কমিটি আৰু বামুনবড়ী মূলাঘাটা মিলন সংঘৰ তৰফৰ পৰা সদ্যঘোষিত হাইস্কুল শিক্ষান্ত আৰু উচ্চতৰ মাধ্যমিক চূড়ান্ত পৰীক্ষাৰ ফলাফলত সুখ্যাতিৰে উত্তীৰ্ণ হোৱা গাঁওখনৰ কৃতী শিক্ষাৰ্থীসকলক বিশেষ সম্বৰ্ধনা জ্ঞাপন কৰা হয়।
মেধাৰ পৰিচয় দিবলৈ সক্ষম হোৱা শিক্ষাৰ্থীসকলক ফুলাম গামোচা, মানপত্ৰ আৰু কলমেৰে ৰাজহুৱাভাৱে সম্বৰ্ধনা জ্ঞাপন কৰা হয়।
বামুনবড়ী গাঁও উন্নয়ন কমিটিৰ সভাপতি চামচুদ্দিন আহমেদৰ সভাপতিত্বত অনুষ্ঠিত সম্বৰ্ধনা সভাখনৰ উদ্দেশ্য ব্যাখ্যা কৰে গাঁও উন্নয়ন কমিটিৰ সাধাৰণ সম্পাদক আনছেৰ আলীয়ে।
আৰিফুল হকৰ গীতেৰে আৰম্ভ হোৱা সম্বৰ্ধনা অনুষ্ঠানটোৰ আঁত ধৰে বামুনবড়ী গাঁও উন্নয়ন কমিটিৰ সহকাৰী সম্পাদক ইউচুফ হুছেইন তালুকদাৰে। মুখ্য অতিথি হিচাপে উপস্থিত থাকি ছাত্ৰ-ছাত্ৰীসকল উপকৃত হ’ব পৰাকৈ ভাষণ প্ৰদান কৰে গুৱাহাটীৰ প্ৰাগজ্যোতিষ মহাবিদ্যালয়ৰ অধ্যক্ষ ড৹ মনোজ কুমাৰ মহন্তই। সম্বৰ্ধনা অনুষ্ঠানটোত সন্মানীয় অতিথি হিচাপে উপস্থিত থাকি ভাষণ প্ৰদান কৰে শ্বহীদ সোঁৱৰণী ছিনিয়ৰ চেকেণ্ডাৰী বিদ্যালয়ৰ প্ৰবক্তা আব্দুল আলী আৰু নিৰ্দিষ্ট বক্তা হিচাপে ভাষণ প্ৰদান কৰে শ্বহীদ সোঁৱৰণী ছিনিয়ৰ চেকেণ্ডাৰী বিদ্যালয়ৰ প্ৰবক্তা ড৹ আব্দুল হালিমে ।
সম্বৰ্ধনা অনুষ্ঠানটোত উচ্চতৰ মাধ্যমিকৰ চূড়ান্ত পৰীক্ষাত সুখ্যাতিৰে উত্তীৰ্ণ গাঁওখনৰ ৯ গৰাকী আৰু হাইস্কুল শিক্ষান্ত পৰীক্ষাত সুখ্যাতিৰে উত্তীৰ্ণ ১৬ গৰাকী কৃতী শিক্ষাৰ্থীক সম্বৰ্ধনা জ্ঞাপন কৰা হয়। কৃতী শিক্ষাৰ্থীসকলৰ অভিভাৱক সকলকো সম্বৰ্ধনা জ্ঞাপন কৰা হয় ।
সুখ্যাতিৰে উত্তীৰ্ণ হৈ গাঁওখনলৈ গৌৰৱ কঢ়িয়াই অনা উচ্চতৰ মাধ্যমিকৰ চূড়ান্ত পৰীক্ষাৰ কৃতী শিক্ষাৰ্থীসকল ক্ৰমে চুইটী ছেহনাজ, চবনম শইকীয়া সুস্মিতা চুলতানা, চুমি বেগম, এচমিন জাহান, শ্বেখ ইক্ৰামুদ্দিন আহমেদ, চানিয়া আখতাৰ, শ্বাহ নাৱাজ মমিন আৰু ফিৰোজা শইকীয়া। আনহাতে হাইস্কুল শিক্ষান্ত পৰীক্ষাৰ মেধা ছাত্ৰ-ছাত্ৰীসকল হ’ল ক্ৰমে দ্বিচান আহমেদ, নিতুল হাচান, আৰহানা শইকীয়া, আৰিফুল হক, ইমাম মহম্মদ বদৰুজ জামান, আকিব হুছেইন, পাপু আলী, আতিকুৰ ৰহমান, চৈয়দা চামিমা মুচাদ্দিকা, শ্বাহ মীৰ আলম মমিন, ইমৰাণ চৌধুৰী, জুবাইৰ হক, চাহনাজ আফ্ৰিন, মুন্না আহমেদ, দাদুল চৌধুৰী আৰু মানিক তালুকদাৰ।
সমান্তৰালভাৱে বামুনবড়ী গাঁৱৰ দুই সুসন্তান চিকিৎসক ডাঃ ইমদাদুল শইকীয়া আৰু ডাঃ চিমি ছেহনাজকো গাঁও উন্নয়ন কমিটিৰ তৰফৰ পৰা সম্বৰ্ধনা জ্ঞাপন কৰা হয়।
অনুষ্ঠানটোত বামুনবড়ী গাঁৱৰ গাঁওপ্ৰধান ইলেকচন তালুকদাৰ, বামুনবড়ী- মূলাঘাটা মিলন সংঘৰ সভাপতি তমিজুৰ ৰহমান, শ্বহীদ সোঁৱৰণী মহাবিদ্যালয় পৰিচালনা সমিতিৰ সম্পাদক ছাহজাহান আলী, গাঁও উন্নয়ন কমিটিৰ উপ সভাপতি গিয়াচুদ্দিন আহমেদৰ উপৰিও কেইবাগৰাকীও বিশিষ্ট লোক উপস্থিত থাকে।