ৰঙিয়াঃ ৰঙিয়াৰ বৈদ্যগড় গাও পঞ্চায়তৰ নৱ নিৰ্মিত ভৱনটি আজি আনুষ্ঠানিকভাৱে শুভ উদ্বোধন কৰা হয়।
ৰাষ্ট্ৰীয় গ্ৰাম স্বৰাজ অভিযানৰ ২০১৯-২০২০ বিত্তীয় বৰ্ষৰ অনুমোদিত ধন ২০ লক্ষ্ টকা ব্যায় সাপেক্ষে নিৰ্মাণ কৰা পঞ্চায়ত ভৱনটি আনুষ্ঠানিকভাৱে উদ্বোধন কৰে স্থানীয় বিধায়ক তথা বিজেপি দলৰ ৰাজ্যিক সভাপতি ভবেশ কলিতাই।
আনহাতে উদ্বোধনী অনুষ্ঠানৰ লগত সংগতি ৰাখি অৱসৰপ্ৰাপ্ত শিক্ষক যোগেশ লহকৰৰ সঞ্চালনাত অনুষ্ঠিত সভাত অংশগ্ৰহণ কৰে উদ্বোধক ভবেশ কলিতাই ।
বৈদ্যগড় গাঁও পঞ্চায়তৰ সভাপতি দুলু ভূঞা, বিজেপি দলৰ উত্তৰ কামৰূপ জিলা সভাপতি সুবল পাল, পাণ্ডুৰী জিলা পৰিষদৰ সদস্য লিটন কলিতা, ৰঙিয়া আঞ্চলিক পঞ্চায়তৰ সভানেত্ৰি শিপ্ৰা দাস প্ৰমুখ্যে ভালে সংখ্যক দলীয় কাৰ্যকৰ্তা উপস্থিত থকা সভাত ৰঙিয়া খণ্ড উন্নয়ন বিষয়া জয়ন্ত কলিতাৰ লগতে আন কেবাগৰাকী বিভাগীয় বিষয়া, স্থানীয় লোক আৰু সাংবাদিকক সম্বৰ্দ্ধনা জনোৱা হয় ।