বিহপুৰীয়া মহাবিদ্যালয়ৰ অধ্যক্ষ ড° অমূল্য কুমাৰ হাজৰিকাক নিলম্বন ।
লখিমপুৰঃ এইবাৰ অসম উচ্চ শিক্ষা সংসদে নিলম্বন কৰিলে লখিমপুৰ জিলাৰ বিহপুৰীয়াৰ ঐতিহ্যমণ্ডিত শিক্ষানুষ্ঠান বিহপুৰীয়া মহাবিদ্যালয়ৰ অধ্যক্ষ ড° অমূল্য কুমাৰ হাজৰিকাক।
উল্লেখ্য যে অধ্যক্ষ গৰাকীৰ নিলম্বন কৰাৰ দাবীত অধ্যক্ষ গৰাকীৰ বিৰুদ্ধে বিত্তীয় কেলেংকাৰী, কম্পিউটাৰৰ তথ্য চুৰি, মহিলা শিক্ষয়িত্ৰী-কৰ্মচাৰীক দুৰ্ব্যৱহাৰকে আদি কৰি বহুকেইটা গুৰুত্বৰ অভিযোগ উত্থাপন কৰি মহাবিদ্যালয়ৰ শিক্ষক গোটে এক দীঘলীয়া অৱস্থান ধৰ্মঘটৰ কাৰ্যসূচী ৰূপায়ন কৰাৰ লগতে উৰ্দ্ধতম কৰ্তৃপক্ষৰ কাষ চাপিছিল।
পৰবৰ্তী সময়ত লখিমপুৰ জিলা উন্নয়ন আয়ুক্তৰ এটি দল আৰু অতিৰিক্ত উচ্চ শিক্ষাধিকৰ্তাৰ নেতৃত্বত এটি দল মহাবিদ্যালয়খনত উপস্থিত হৈছিল।