বিয়াৰ কাপোৰৰ বজাৰ কৰিবলৈ গৈ ৰহস্যজনক ভাৱে নিৰুদ্দেশ বিবাহিতা মহিলা : এটা সপ্তাহেও বিবাহিতা মহিলাগৰাকীৰ সন্ধান উলিয়াব পৰা নাই আৰক্ষীয়ে।
আমগুৰিঃ ৰাজ্যত পুণৰ বিবাহিতা মহিলা সন্ধানহীন ॥
স্বামীৰ কনিষ্ট ভাতৃৰ বিয়াৰ কাপোৰৰ বজাৰ কৰিবলৈ গৈ এটা সপ্তাহে ৰহস্যজনক ভাৱে নিৰুদ্দেশ হৈ আছে এই গৰাকী বিবাহিতা মহিলা ।
বিবাহিতা মহিলা গৰাকী হৈছে শিৱসাগৰ জিলাৰ আমগুৰিৰ দিখৌমুখ ৰঘূবাৰী গাঁৱৰ বিকাশ বড়া নামৰ ব্যক্তিগৰাকীৰ পত্নী জিন্তী বৰুৱা ওৰফে মুনু ।
জিন্তী বৰুৱা দেওৰৰ বিয়াৰ কাপোৰ কিনিবলৈ বুলি ২ অক্টোবৰত যোৰহাট নগৰলৈ যোৱাৰ পিছৰে পৰা ৰহস্যজনক ভাৱে নিৰুদ্দেশ হৈ আছে ।
বিবাহ পাষত আবদ্ধ হোৱা মাত্ৰ ৯ মাহ সম্পূৰ্ণ হোৱা পত্নী জিন্তী বৰুৱা ওৰফে মুনুক স্বামীৰ লগতে পৰিালৰ লোকে বিচাৰিছিল যদিও মহিলাক কোনো সম্ভেদ ওলিয়াব নোৰিলে ।
উপায়হীন হৈ স্বামীয়ে গৌৰিসাগৰ, যোৰহাট সদৰ আৰক্ষী থানাৰ লগতে বিভিন্ন আৰক্ষী থানাত এজাহাৰ দাখিল কৰিছে যদািও কোনো সুদুত্তৰ পোৱা নাই ।
আনহাতে, যোৰহাট জিলাৰ জাঁজী হাঁহচৰা চিৰাখুন্দা গাওঁৰ নিবাসী তথা সম্বন্ধীয় দত্ত উপাধীৰ যুৱতী গৰাকীয়ে কৌশলেৰে লৈ যোৱাৰ গুৰুতৰ অভিযোগ উত্থাপন কৰিছে স্বামীৰ পৰিয়ালে।
ইফালে, দিখৌমুখ ৰঘূবাৰী গাঁৱত বিকাশ বড়াই ভাতৃৰ বিয়াৰ বাবে ৰভা সজাই তুলিছিল যদিও এতিয়া ভাঙি পেলাইছে ৰভা ।
আৰক্ষীয়ে এটা সপ্তাহেও বিবাহিতা মহিলা জিন্তী বৰুৱা ওৰফে মুনুৰ কোনো সন্ধান উলিয়াব নোৱাৰাত স্বামীৰ পৰিয়ালত হাহাকাৰ পৰিস্থিতিৰ সৃষ্টি হৈছে।কোনো সদাশয় ব্যক্তিয়ে মহিলা গৰাকীক দেখা পালে 8453743480 অথবা 9395113880 নম্বৰত যোগাযোগ কৰিব পাৰিব।