বাক্সা জিলাৰ বাগানপাৰা আঞ্চলিক ছাত্ৰ সন্থাই শণিবাৰে অঞ্চলটোৰ হাইস্কুল শিক্ষান্ত পৰীক্ষা আৰু উচ্চতৰ মাধ্যমিক পৰীক্ষাত সুখ্যাতিৰে উত্তীৰ্ণ ছাত্ৰ-ছাত্ৰীসকলক অভিনন্দন জনায় ৷
আজি বাগানপাৰাৰ বাক্সা ডিগ্ৰী কলেজত বাগানপাৰা আঞ্চলিক ছাত্ৰ সন্থাৰ সভাপতি মনজিৎ দাসৰ সঞ্চালনাত অনুষ্ঠিত এই অভিনন্দন অনুষ্ঠানটো উদ্বোধন কৰে বাক্সা জিলা ছাত্ৰ সন্থাৰ সহকাৰী সম্পাদক নৱজিৎ ৰাজবংশীয়ে ।
প্ৰতিদিন টাইমৰ কাৰ্যবাহী সম্পাদক শোণিত কুমৰ ভূঞাই অনুষ্ঠানত মুখ্য অতিথি হিচাপে অংশগ্ৰহণ কৰা অনুষ্ঠানটোত সদৌ অসম ছাত্ৰ সন্থাৰ কাৰ্যনিৰ্বাহ কংকনজ্যোতি শৰ্মা আৰু পাশ্চ্য পাটগিৰি , বাক্সা জিলা ছাত্ৰ সন্থাৰ সভাপতি জুবিন দাস , সাধাৰণ সম্পাদক হৰেকৃষ্ণ পাঠক আৰু বাক্সা ডিগ্ৰী কলেজৰ অধ্যক্ষ নাগেশ নাৰ্জা বড়োই অতিথি হিচাপে অংশগ্ৰহণ কৰি বক্তব্য আগবঢ়ায় ৷
কেইবাখনো বিদ্যালয়ৰ মুৰব্বী , এবছু , আদিবাসী ছাত্ৰ সন্থাৰ বিষয়ববীয়া , অভিভাৱক, ছাত্ৰ-ছাত্ৰীসহ পাঁচ শতাধিক লোক উপস্থিত থকা অভিনন্দন অনুষ্ঠানটোত হাইস্কুল শিক্ষান্ত পৰীক্ষা আৰু উচ্চতৰ মাধ্যমিক পৰীক্ষাত কৃতিত্বৰে উত্তীৰ্ণ ১৯২ গৰাকী কৃতীমানক অভিনন্দন জনোৱা হয় ৷
বাগানপাৰা আঞ্চলিক ছাত্ৰ সন্থাৰ সম্পাদক অমল ডেকাই আঁত ধৰা অনুষ্ঠানটোত অসম লোকসেৱা আয়োগৰ পৰীক্ষাত সুখ্যাতিৰে উত্তীৰ্ণ নৱ ডেকাকো সম্বৰ্ধনা জনোৱা হয় ৷