বাইহাটাত ৰাম প্ৰসাদ শইকিয়া স্মাৰক গ্ৰন্থ “জীৱন পৰিক্ৰমা” উন্মোচন অনুষ্ঠানত অংশগ্ৰহণ চলচিত্ৰ পৰিচালক পঙ্কজ পল্লৱ শৰ্মাৰ ।
ৰঙিয়াঃ কমলপুৰ বিধান সভা সমষ্টিৰ বাইহাটাত সোমবাৰে প্ৰয়াত ৰামপ্ৰসাদ শইকিয়াৰ স্মাৰক গ্ৰন্থ “জীৱন পৰিক্ৰমা” উন্মোচনী অনুষ্ঠানত অংশগ্ৰহণ কৰে বিশিষ্ট চলচ্চিত্ৰ পৰিচালক তথা লেখক আৰু স্তম্ভলেখক পঙ্কজ পল্লৱ শৰ্মাই। সক্ৰিয় সাংস্কৃতিক কৰ্মী হিতেশ ডেকাই আঁত ধৰা অনুষ্ঠানত নিমন্ত্ৰিত অতিথি হিচাপে উপস্থিত থাকি ভাষন দিয়ে অভিনেত্ৰী অনুৰূপা ডেকাৰাজে।
অনুষ্ঠানত “জীৱন পৰিক্ৰমা”ৰ অন্যতম সম্পাদক ৰাজীৱ শৰ্মাই স্মৃতিগ্ৰন্থ প্ৰকাশৰ আঁৰৰ কাহিনী ব্যাখ্যা কৰে।
আনহাতে আৰম্ভণিতে আমন্ত্ৰিত অতিথিক ফুলাম গামোছাৰে সম্ভাষণ জনায় মৃতকৰ পুত্ৰ দেৱজিৎ শইকিয়া, চুমি শইকিয়া, পম্পি শইকিয়া আৰু জোঁৱাই সমিন দাসে। পৰৱৰ্তী কাৰ্য্যসূচী মতে প্ৰয়াত ৰামপ্ৰসাদ শইকিয়ালৈ শ্ৰদ্ধাঞ্জলি জনাই এক মিনিট সময় মৌন প্ৰাৰ্থনা কৰা হয় ।