সদ্য ঘোষিত গুৱাহাটী বিশ্ববিদ্যালয়ৰ স্নাতক পৰীক্ষাৰ ফলাফলত বি এইচ মহাবিদ্যালয়ৰ শিক্ষাৰ্থী আফ্ৰুজা বেগমে দৰ্শন বিভাগত বিশ্ববিদ্যালয়খনৰ ভিতৰতে প্ৰথম স্থান লাভ কৰিবলৈ সক্ষম হয়।
আফ্ৰুজাই দৰ্শন বিভাগত ৯.০৭ চি জি পি এ লাভ কৰে৷ আফ্ৰুজা বেগম বঙাইগাঁৱ জিলাৰ ৪নং ভাণ্ডাৰা চৰৰ হাবেল আলীৰ কন্যা।
আজি মেধাৱী শিক্ষাৰ্থী গৰাকীৰ ঘৰত আমছুৰ সভাপতি ৰেজাউল কৰিম সৰকাৰৰ নেতৃত্বত এক সজাতি দলে উপস্থিত হৈ আফ্ৰুজা বেগম আৰু তেওঁৰ পিতৃ-মাতৃক আমছুৰ ফালৰ পৰা ফুলাম গামোচা, শৰাই, কলম কিতাপেৰে সম্বৰ্ধনা জনায়।
অতিকৈ পিছপৰা ৪নং ভাণ্ডাৰা চৰৰ ছোৱালীৱে অসমৰ উচ্চ শিক্ষাৰ প্ৰাণকেন্দ্ৰ গুৱাহাটী বিশ্ববিদ্যালয়ৰ পৰা স্থান সহকাৰে স্নাতক ডিগ্ৰী লাভা কৰি সমাজক এক যোগাত্মক বাৰ্তা দিলে।