সৰভোগঃ বঙাইগাঁও জিলাৰ মাণিকপুৰ আৰক্ষী থানাৰ অন্তৰ্গত সোনাইকোলাত চুৰিৰ আঘাতত এজনৰ মৃত্যু।
আজি ৰাতিপুৱা বঙাইগাওঁ জিলাৰ মাণিকপুৰ আৰক্ষী থানাৰ অন্তৰ্গত সোনাইকোলাত চুৰিৰ আঘাতত এজনৰ থিতাতে মৃত্যু। মৃত ব্যক্তি জনৰ নাম ২ নং কাৱাদীৰ (সোনাইকোলা) ৰ শুকুৰ আলী, (৫০)।
চুৰি আঘাত কৰা ব্যক্তি জনৰ নাম আব্দুল গোফুৰ (32) । আব্দুল গোফুৰৰ ঘৰ অভয়াপুৰী থানাৰ অন্তৰ্গত আমবাৰীত কিন্তু কৰ্ম সূত্ৰে চিৰাং জিলাৰ কাজল গাওঁত। ঘটনাৰ ৰহস্য এতিয়ালৈকে জানিব পৰা হোৱা নাই। দুয়োকে মাণিকপুৰ আদৰ্শ মহাত্মাগান্ধী চিকিৎসালয়ত আনে যদিওঁ শুকুৰ আলীক ডাঃ মৃত বুলি ঘোষনা কৰে।
আব্দুল গোফুৰক প্ৰাথমিক চিকিৎসাৰ অন্তত উন্নত চিকিৎসাৰ বাবে মাণিকপুৰ আৰক্ষীৰ তত্ত্বাৱধানত বৰপেটা অসামৰিক চিকিৎসালয়লৈ প্ৰেৰণ কৰে।
মৃত ব্যক্তি গৰাকীৰ মৰোনত্তৰ পৰীক্ষাৰ বাবে বঙাইগাঁওলৈ প্ৰেৰণ কৰে । ঘটনাস্থলীত মাণিকপুৰ আৰক্ষী উপস্থিতহৈ পৰিস্থিতিৰ বুজ লৈ তদন্ত আৰম্ভ কৰিছে। আৰক্ষীৰ তদন্তত কি পোহৰলৈ আহে সেয়া লক্ষনীয় হব।