আমগুৰিৰ নামতিত উপস্থিত বিধায়ক অখিল গগৈ ।
আমগুৰিঃ সমষ্টি পুনৰ্নিদ্ধাৰণ খচৰাৰ পৰা আমগুৰি সমষ্টি বিলুপ্তিৰ পিছত আমগুৰিৰ নামতি আলি গাওঁ পঞ্চায়ত আৰু বৰুৱা পুখুৰী গাওঁ পঞ্চায়ত শিৱসাগৰ সমষ্টিত অন্তৰ্ভুক্ত হোৱাত আজি নামতি চাৰিআলি আৰু আদৰ্শ গাঁওৰ ৰাইজক সাক্ষাৎ কৰে শিৱসাগৰ সমষ্টিৰ বিধায়ক অখিল গগৈয়ে।
সকলো শ্ৰেণীৰ ৰাইজক সাক্ষাৎ কৰি মত বিনিময় কৰে বিধায়ক অখিল গগৈয়ে।
ইয়াৰোপৰি নামতি অঞ্চলত বিখ্যাত সাঁচি ব্যৱসায়ৰ যোগেদি আত্মনিৰ্ভৰশীল হোৱা বহু কেইজন ব্যক্তিৰ ঘৰত পৰিদৰ্শন কৰে বিধায়ক গৰাকীয়ে।
নামতিত উপস্থিত হৈ অসমৰ BJP দলটো মুখ্যমন্ত্ৰী হিমন্ত বিশ্ব শৰ্মাই HBS কোম্পানী প্ৰাইভেট লিমিটেড হিচাপে চলাই আছে বুলি মন্তব্য কৰে বিধায়ক গৰাকীয়ে। সেইদৰে আগন্তুক লোকসভা নিৰ্বাচনত ৰাইজৰ দলে যোৰহাট লোকসভা সমষ্টিত প্ৰাৰ্থীত্বৰ দাবী জনাব বাৰদলীয় বিৰোধী ঐক্যমঞ্চক। সেয়া হলে যোৰহাটত হিমন্ত বিশ্ব শৰ্মাই হওঁক বা নৰেন্দ্ৰ মোদীয়েই হওঁক যোৰহাট লোকসভা সমষ্টি ৰাইজৰ দলেই বিজয়ী হ’ব বুলি দৃঢ় মত পোষণ কৰে শিৱসাগৰৰ বিধায়কজনে।