নলবাৰী বৰভাগৰ কালাগ দৌল মন্দিৰ প্ৰাংগনত অভিনন্দন অনুষ্ঠান ।
অসম চৰকাৰৰ বিভিন্ন বিভাগত সদ্য নিযুক্তি প্ৰাপ্ত বৰভাগ মণ্ডলৰ অন্তৰ্গত ১৩০ গৰাকী প্ৰাৰ্থীক অভিনন্দন জ্ঞাপন।
নলবাৰী জিলাৰ বৰক্ষেত্ৰী সমষ্টিৰ অন্তৰ্গত বৰভাগৰ কালাগ দৌল মন্দিৰ প্ৰাংগনত গুৱাহাটী মহানগৰ উন্নয়ন প্ৰাধিকৰণৰ অধ্যক্ষ নাৰায়ণ ডেকাৰ উদ্যোগত বিজেপিৰ বৰভাগ মণ্ডল যুৱমৰ্চাৰ সহযোগত দেওবাৰে বিয়লি অনুষ্ঠিত কৰা হয় অভিনন্দন অনুষ্ঠান।
অসম চৰকাৰৰ বিভিন্ন বিভাগত সদ্য নিযুক্তি প্ৰাপ্ত বৰভাগ মণ্ডলৰ অন্তৰ্গত ১৩০ গৰাকী প্ৰাৰ্থীক বিশেষ ভাৱে অভিনন্দন জ্ঞাপন কৰা হয়। অভিনন্দন অনুষ্ঠানত অংশগ্ৰহণ কৰি বৰক্ষেত্ৰী সমষ্টিৰ প্ৰাক্তন বিধায়ক তথা গুৱাহাটী মহানগৰ উন্নয়ন প্ৰাধিকৰণৰ অধ্যক্ষ নাৰায়ণ ডেকাই হিমন্ত বিশ্ব শৰ্মাৰ নেতৃত্বত বিজেপি চৰকাৰে একলাখ নিবনুৱাক চৰকাৰী চাকৰি দিয়াৰ প্ৰতিশ্ৰুতি দি নিকা ভাবমুৰ্তিৰে নিযুক্তি প্ৰদান কৰাত দুখীয়া পৰিয়ালৰ লৰা ছোৱালীয়ে চাকৰি পাবলৈ সক্ষম হৈছে আৰু নিকা নিযুক্তিত ৰাইজ উৎফুল্লিত হৈ পৰিছে বুলি মন্তব্য কৰে।