নলবাৰীৰ শুকেকুছিৰ বিজেপি নেতা কন্দৰ্প বৰ্মনৰ মৃতদেহ উদ্ধাৰ ।
যোৱা কালিৰে পৰা বিজেপিৰ নেতা জন সন্ধানহীন হৈ আছিল ।
পৰিয়াল তথা স্থানীয় লোকৰ অভিযোগ কোনো লোকে অপহৰণ কৰিছিল কন্দৰ্প বৰ্মনক ।
প্ৰবীণ ছাত্ৰ নেতা সমাজকৰ্মী শোলমাৰা বজাৰ পৰিচালনা সমিতিৰ সভাপতি তথা বিজেপি নেতা কন্দৰ্প বৰ্মন যোৱা কালিৰে পৰা নিৰুদ্দেশ হৈ থকা ঘটনাই সঞ্চল্য সৃষ্টি কৰিছিল ।
যোৱাকালি ৰাতিপুৱাৰ পৰা সন্ধানহীন হৈ আছিল বৰ্মন ।
পত্নীয়ে দুপৰীয়া ফোনত যোগাযোগ কৰিব বিছৰাত ম’বাইলটোৰ ছুইছ অফ পাইছিল ।
নলবাৰী যুটীয়া স্বাস্থ্য সেৱা সঞ্চালকৰ কাৰ্যলয়ৰ অবসৰপ্ৰাপ্ত কৰ্মচাৰী আছিল কন্দৰ্প বৰ্মন ।
ইপিনে গোবৰাদলৰ কানাইখুন্দা নদীৰ কাষত ৰাতিপুৱা বগা ওৱেগনাৰ এখন আৰু এযোৰ চেন্দেল দেখা পায় প্ৰত্যক্ষদৰ্শীয়ে টিহু থানাত খবৰ দিয়াত শোলমাৰাৰ কন্দৰ্প বৰ্মনৰ গাড়ী খন বুলি নিশ্চত হৈছিল পৰিয়াল ।
তাৰ পিছত নদী আৰক্ষীয়ে অনুসন্ধান চলাইছিল যদিও কোনো সন্ধান পোৱা নাছিল ।
আজি ৰাতিপুৱা নদীৰ কাষত মৃতদেহটো কছুৰ মাজত পৰি থকা পৰিলক্ষিত হয় স্থানীয় লোকৰ ।
কিন্ত কন্দৰ্প বৰ্মনক কোনোবাই হত্যা কৰিলে সেয়া বৰ্তমানলৈ জানিব পৰা হোৱা নাই ।