নলবাৰীৰ খাটা ৰূপীয়াবাথানত হৃদয় বিদাৰক ঘটনা।
গুৱাহাটীৰ পৰা ঘৰলৈ ওভতাৰ পথত এজনৰ কৰুণ মৃত্যুত অঞ্চলজুৰি শোকৰ ছা।
ৰাইজে বাতিল কৰিলে গাওঁৰ হোমযজ্ঞ
এক শোকাবহ দুৰ্ঘটনাই জোকাৰি গৈছে নলবাৰী। জিলাখনৰ খাটাৰূপীয়াবাথানৰ জোন দাস নামৰ এগৰাকী যুৱকে গুৱাহাটীৰ পৰা নলবাৰীলৈ ৰেলযোগে ঘৰলৈ আহি থকাৰ সময়তে কৈঠালকুছি ৰেল ষ্টেচনৰ সমীপত ৰহস্যজনক ভাৱে মৃত্যু হয় । ঘৰলৈ ওভতাৰ পথেই আছিল যেন জোনৰ শেষ যাত্ৰা । নিজগাওঁৰ স্থানীয় মন্দিৰৰ হোম যজ্ঞৰ বাবেই ঘৰলৈ আহিছিল জোন । জোন আহিল ঠিকেই পিছেই নিথৰ দেহটোৰে।
ইফালে জোনৰ আকস্মিক মৃত্যুৰ খবৰ পাই পৰিয়ালৰ লগতে পত্নী শোকত ভাঙি পৰিছে।
আনহাতে জোনৰ আছে এটি কণমানি পুত্ৰ মাতৃ আত্মীয়৷ জোনৰ অকাল মৃত্যুত স্থানীয় লোকসকলে আয়োজন কৰা হোম যজ্ঞৰ অনুষ্ঠান বাতিল কৰি চিতা সজাত ব্যস্ত হৈ পৰিছে৷