নলবাৰীত ভয়ংকৰ পথ দুৰ্ঘটনাত নিহত বৰভাগ ৰাইমাধাৰ এগৰাকী যুৱতী ৷
নলবাৰী বৰভাগ ৰাইমাধা গাঁৱৰ এগৰাকী যুৱতী আজি দুপৰীয়া এক শোকাবহ পথ দুৰ্ঘটনাত মৃত্যু হোৱাত অঞ্চলটোত গভীৰ শোকৰ ছাঁ পৰিছে।
যুৱতী গৰাকীক কমাৰকুছি হাইস্কুলৰ অৱসৰপ্ৰাপ্ত শিক্ষক জীৱেশ্বৰ তালুকদাৰৰ একমাত্ৰ কন্যা সংগীতা তালুকদাৰ (২৭)।
বিউটী পাৰ্লাৰৰ প্ৰশিক্ষণ লবলৈ এখন স্কুটিৰে (AS 14 F 3344) গৈ থকা অৱস্থাত নলবাৰী কমাৰকুছি পথৰ তেৰেছিয়াত এখন মালবাহী ডি আই ভেনেৰে (AS 25 FC 1168) মুখামুখি সংঘৰ্ষ সংঘটিত হয়।
গুৰুতৰভাৱে আহত যুৱতীগৰাকীক ততাতয়াকৈ ৰাইজে দক্ষিণ গাওঁস্হিত নলবাৰী মেডিকেল কলেজ হাস্পতাললৈ প্ৰেৰণ কৰে।
মুৰত গুৰুতৰভাৱে আঘাতপ্ৰাপ্ত যুৱতী গৰাকীক আই চি ইউত ভৰ্তি কৰাই চিকিৎসকে চিকিৎসা আৰম্ভ কৰে যদিও এক ঘন্টাৰ পিছতে যুৱতীগৰাকীয়ে মৃত্যুক আকোঁৱালি লয়।