ধিংৰ শালকাটি পথাৰ গাঁৱত হস্ত নিৰ্মিত পিষ্টল উদ্ধাৰ:এজনক আটক।
মৈৰাবাৰীঃ নগাঁও জিলাৰ ধিং আৰক্ষী থানাৰ অন্তৰ্গত শালকাটি পথাৰ গাঁৱৰ ৰফিকুল ইছলাম নামৰ লোক জনৰ ঘৰৰ পৰা উদ্ধাৰ কৰা হৈছে হস্তনিৰ্মিত পিষ্টলৰ লগতে দুই জাঁই সক্ৰিয় গুলি।
আটক হোৱা ৰফিকুল ইছলাম আৰু পত্নীয়ে জনোৱা মতে দুপৰীয়া ঘৰত কোনো নথকাৰ সুযোগতে কোনো দুষ্ট চক্ৰই পাকঘৰত ৰাখি গৈছে হস্তনিৰ্মিত পিষ্টলটো।
ইতিমধ্যে ধিং আৰক্ষী থানাৰ আৰক্ষী ঘটনাস্থলীত উপস্থিত হৈ ৰফিকুল ইছলামক আটক কৰি পিষ্টল আৰু দুই জাঁই সজীৱ গুলি জব্দ কৰাৰ লগতে ঘটনা সন্দৰ্ভত তদন্ত আৰম্ভ কৰিছে।