ৰঙিয়াৰ বালাগাঁৱৰ ৰুদ্ৰমনি ধাবাৰ শৌচালয়ত বৃহস্পতিবাৰে বহিঃৰাজ্যৰ এজন যুৱকৰ মৃতদেহ উদ্ধাৰ হয় ।
যুৱকজন হৈছে পাঞ্জাৱৰ টাৰ্ণ তৰণ জিলাৰ গুৰবীৰ সিঙ (২৭) । ঘটনাৰ বিৱৰণি অনুসৰি ৰুদ্ৰমনি হোটেলৰ শৌচালয়ৰ পৰা মৃত যুৱকজনে বহু সময়লৈকে ওলাই নহাত হোটেলৰ স্বত্বাধীকাৰীৰ সন্ধেহ ওপজে । তেওঁ শৌচালয়ৰ ওপৰেৰে চাই অচেতন অৱস্থাত যুৱকজনক প্ৰত্যক্ষ কৰি লগে লগে খবৰ দিয়ে আৰক্ষীক ।
আৰক্ষীয়ে ঘটনাস্থলীত উপস্থিত হৈ যুৱকজনক মৃত অৱস্থাত উদ্ধাৰ কৰে । ইফালে ধাবাখনৰ স্বত্বাধীকাৰীয়ে সংবাদ মাধ্যমৰ আগত কয় যে , মৃতদেহৰ কাষতে নিষিদ্ধ ড্ৰাগছৰ সন্দেহযুক্ত এটা চিৰিঞ্জ উদ্ধাৰ হৈছে । অত্যাধিক নিষিদ্ধ ড্ৰাগছ সেৱনৰ ফলতে মৃত্যু হোৱাৰ সন্দেহ প্ৰকাশ কৰিছে ধাবাৰ স্বত্বাধীকাৰীয়ে । আৰক্ষীয়ে ইতিমধ্যে মৃতদেহটো চমজি লৈ তদন্ত আৰম্ভ কৰিছে ।