ধমধমা উচ্চতৰ মাধ্যমিক বিদ্যালয়ৰ বিশাল সাংস্কৃতিক শোভাযাত্ৰা।
ধমধমাঃ ধমধমা উচ্চতৰ মাধ্যমিক বিদ্যালয়ৰ বাৰ্ষিক অধিৱেশন উপলক্ষে আজি ধমধমাত এটি বিশাল সাংস্কৃতিক শোভাযাত্ৰা উলিওৱা হয়। ধমধমা উচ্চতৰ মাধ্যমিক বিদ্যালয় পৰিচালনা সমিতিৰ সভাপতি আনন্দ ৰাজবংশীয়ে উদ্বোধন কৰা সাংস্কৃতিক শোভাযাত্ৰাত অসমীয়া জাতীয় কৃষ্টি – সংস্কৃতিক তুলি ধৰাৰ লগতে কোচ ৰাজবংশী, বড়ো, শৰণীয়া, নেপালী, আদিবাসী আদি জনগোষ্ঠীৰ সংস্কৃতিক উপস্থাপন কৰা হয়। বিদ্যালয়খনৰ সহস্ৰাধিক ছাত্ৰ-ছাত্ৰীয়ে অংশগ্ৰহণ কৰা এই সাংস্কৃতিক শোভাযাত্ৰাই অঞ্চলটোৰ ৰাইজক মুহিত কৰে।
