ধমধমাঃ ধমধমা আঞ্চলিক দুৰ্গা পূজাৰ শতবাৰ্ষিকী মহোৎসৱ আৰম্ভ হৈছে।
সাংস্কৃতিক শোভাযাত্ৰা উদ্বোধন কৰিলে মুখ্যমন্ত্ৰী ড⁰ হিমন্ত বিশ্ব শৰ্মাই।
১০৪ বছৰ গৰকা ঐতিহাসিক ধমধমা আঞ্চলিক দুৰ্গা পূজাৰ শতবাৰ্ষিকী মহোৎসৱৰ যোৱাকালিৰে পৰা সাতদিনীয়া কাৰ্যসূচীৰে আৰম্ভ হৈছে। যোৱাকালি পুৱা ধমধমা আঞ্চলিক দুৰ্গা মন্দিৰৰ সভাপতি নিত্যগোপাল অধিকাৰীয়ে ধৰ্মধ্বজা উত্তোলন আৰু শতবাৰ্ষিকী মহোৎসৱ উদযাপন সমিতিৰ সভাপতি আনন্দ ৰাজবংশীয়ে শতবাৰ্ষিকী মহোৎসৱৰ পতাকা উত্তোলন কৰি কাৰ্যসূচীৰ শুভাৰম্ভ কৰাৰ পিচতে অঞ্চলটোৰ ১০৩ গৰাকী বিশিষ্ট ব্যক্তিয়ে প্ৰতীকী পতাকা উত্তোলন কৰে।
ইয়াৰ পিচতে অসমৰ মুখ্যমন্ত্ৰী মুখ্যমন্ত্ৰী ড⁰ হিমন্ত বিশ্ব শৰ্মাই সাংস্কৃতিক শোভাযাত্ৰা উদ্বোধন কৰে । সাংস্কৃতিক শোভাযাত্ৰা উদ্বোধনৰ পূৰ্বে মুখ্যমন্ত্ৰী ড⁰ হিমন্ত বিশ্ব শৰ্মাই দুৰ্গা দেৱীৰ ওপৰত সেৱা আগবঢ়ায়।
ইয়াৰ পিচতে ৰাইজক উদ্দেশ্যি বক্তব্য আগবঢ়ায়। মুখ্যমন্ত্ৰীগৰাকীয়ে ধমধমা আঞ্চলিক দুৰ্গা মন্দিৰ নিৰ্মাণৰ বাবে ৩০ লাখ টকা আগবঢ়াব বুলি ঘোষণা কৰে। সাংস্কৃতিক শোভাযাত্ৰাত তিনি সহস্ৰাধিক ধৰ্মপ্ৰাণ ৰাইজে অংশগ্ৰহণ কৰে।