ধমধমাঃ ধমধমাত নতুন কথাছবি ‘অভিশংকা’ৰ ট্ৰেইলাৰ মুকলি।
ডি এ চি ড্ৰামা এণ্ড ডান্স একাডেমীৰ উদ্যোগত প্ৰাণজিৎ -ভিতালী কক্ৰিয়েচনে নিৰ্মাণ কৰা ‘অভিশংকা ‘ নামৰ কথাছবিখনৰ ট্ৰেইলাৰ মুকলি কৰা হয়। এই উদ্দেশ্যে ধমধমা আঞ্চলিক কলেজত আয়োজিত ট্ৰেইলাৰ মুকলি অনুষ্ঠানত কথাছবিখনৰ ট্ৰেইলাৰ মুকলি কৰে যুৱ অভিনেতা বিকাশ দাস আৰু ধমধমা আৰক্ষী চকীৰ ভাৰপ্ৰাপ্ত আৰক্ষী বিষয়া ৰোহিত কুমাৰ ছেত্ৰীয়ে।
অনুষ্ঠানৰ আৰম্ভণিতে বন্তি প্ৰজ্বলন কৰে ধমধমা আঞ্চলিক কলেজৰ অধ্যক্ষ ড⁰ গৌতম চন্দ্ৰ দাসে। ছবিখনৰ নিৰ্মাতা তথা অভিনেতা প্ৰাণজিৎ পৰাণে আঁত ধৰা অনুষ্ঠানত ভালেসংখ্যক সাংস্কৃতিক কৰ্মী, কলা – কুশলী, অভিনেতা -অভিনেত্ৰী উপস্থিত থাকে। উল্লেখ্য যে শাৰদীয় বতৰত অহা ১৭ অক্টোবৰত ‘অভিশংকা’ নামৰ কথাছবিখনে মুক্তি লাভ কৰিব।
