ড্ৰাগছৰ ঘাটিত পৰিণত হৈছে ৰঙিয়াৰ উদিয়ানা । এইবাৰ এগৰাকী কিশোৰৰ পৰা ৰাইজে উদ্ধাৰ কৰিলে ড্ৰাগছ ভৰ্তি এটা কন্টেইনাৰ । তাৰ পিছতে উত্তপ্ত হৈ পৰিল উদিয়ানা অঞ্চল । শ শ লোক উপস্থিত হৈ কিশোৰজনক জবাবদিহি কৰিলে । ৰাইজৰ ৰুদ্ৰমুৰ্তি দেখি ড্ৰাগছ আসক্ত কিশোৰে স্বীকাৰ কৰিলে ড্ৰাগছ সেৱনৰ কথা । লগতে উদিয়ানাৰ ড্ৰাগছ সৰবৰাহকাৰী এজনৰ পৰা নিষিদ্ধ ড্ৰাগছখিনি ক্ৰয় কৰাৰ কথা স্বীকাৰ কৰিলে । ড্ৰাগছ ক্ৰয় কৰি ৰাজপথেৰে গৈ থকা অৱস্থাত ৰাইজৰ সন্দেহ হয় । ৰাইজে কিশোৰজনক ৰখাবলৈ চেষ্টা কৰে যদিও কিশোৰজনে পলায়নৰ চেষ্টা চলাই । ৰাইজে খেদি খেদি আটক কৰে ড্ৰাগছ আসক্ত যুৱকজনক । পিছত ঘটনাস্থলীত আৰক্ষী উপস্থিত হৈ ড্ৰাগছ আসক্ত কিশোৰজনক আৰক্ষীক গতাই দিয়ে । লগতে ৰাইজে আৰক্ষীক দাবী জনায় অতি শীৰ্ঘে উদিয়ানাৰ পৰা ড্ৰাগছৰ ঘাটি সমুহ উৎসাত কৰক ।
