টাইকোৱাণ্ডোৰ উচ্চ প্ৰশিক্ষণৰ বাবে দক্ষিণ কোৰিয়ালৈ আমন্ত্ৰিত হোৱা এঞ্জেল প্ৰিয়া শইকীয়াক আমগুৰিত কৃষক মুক্তি, আমগুৰি আৰক্ষী থানাৰ ভাৰপ্ৰাপ্ত আৰক্ষী বিষয়া আৰু সমাজকৰ্মীয়ে জনালে সম্বৰ্ধনা।
আমগুৰিৰ টাইকোৱাণ্ডোৰ এগৰাকী বিশেষ প্ৰতিভা সম্পন্ন কণমানি এঞ্জেল প্ৰিয়া শইকীয়াই টাইকোৱাণ্ডোৰ উচ্চ প্ৰশিক্ষণৰ বাবে দক্ষিণ কোৰিয়ালৈ আমন্ত্ৰিত হৈছে। এঞ্জেল প্ৰিয়া শইকীয়াই অসমৰ হৈ এই প্ৰশিক্ষণত অংশগ্ৰহণ কৰিব।
এঞ্জেল প্ৰিয়া শইকীয়াৰ এই খবৰ বিয়পি পৰাৰ লগে লগে আমগুৰিত বিভিন্ন দল সংগঠনে সম্বৰ্ধনা জনাইছে।
বৃহস্পতিবাৰে নিশা এঞ্জেল প্ৰিয়া শইকীয়াক আমগুৰিত কৃষক মুক্তি সংগ্ৰাম সমিতিৰ নেতা দুলু হাজৰিকা, আমগুৰি আৰক্ষী থানাৰ ভাৰপ্ৰাপ্ত আৰক্ষী বিষয়া নাৰায়ণ বড়ো আৰু সমাজকৰ্মী চুবুৰ আলীয়ে সম্বৰ্ধনা জনায়। কণমানি এঞ্জেল প্ৰিয়াই সম্বৰ্ধনা জনোৱা ব্যক্তি সকলৰ চৰণ চুই আৰ্শীবাদ লয়।